#HBDரஜினிகாந்த்: ஒரே வருஷத்துல 21 படங்களில் கலக்கிய ரஜினி..!!
உலகம் முழுவதும் பல கோடி ரசிகர்களை வைத்திருக்கும் நடிகர் ரஜினிகாந்தின் பிறந்தநாள் இன்று கொண்டாடப்படுகிறது. அவரைப் பற்றிய சில சுவாரஸ்ய தகவல்களைப் பார்ப்போம்.
- தமிழ் மட்டுமல்லாமல் தெலுங்கு, கன்னடம், மலையாளம், இந்தி, வங்காளம் மற்றும் ஆங்கில மொழிப் படங்களில் ரஜினி நடித்துள்ளார்.
- ரஜினியும் அவரது தொழில் முனை போட்டியளராகக் கருதப்படும் கமலும் இணைந்து 12 படங்களில் நடித்துள்ளனர். நினைத்தாலே இனிக்கும் படத்திற்குப் பிறகு மீண்டும் இவர்கள் இணையவேயில்லை
- நடிகைகள் ஶ்ரீபிரியா மற்றும் ஶ்ரீதேவியுடன் இணைந்து இவர் அதிகப் படங்களில் நடித்துள்ளார்.
- ரஜினி முதன் முதலில் ஃபிலிம்ஃபேர் விருது பெற்ற திரைப்படம் 'நல்லவனுக்கு நல்லவன்'.
- 1977 முதல் 1991 வரை ஒவ்வொரு வருடமும் அதிகப் படங்களில் நடித்துள்ளார் ரஜினி. குறிப்பாக 1978-ம் ஆண்டு மொத்தம் 21 படங்களில் நடித்துள்ளார்.
- ஒவ்வொரு படம் முடிந்த பின்னும், இமய மலைக்கு செல்வதை வழக்கமாக அவர் கொண்டுள்ளார்.
- ஆன்மிகத்தில் அதிக நாட்டமுள்ள இவர், அதோடு சேர்த்து அறிவியல் மற்றும் அரசியல் புத்தகங்களை அதிகம் படிப்பார்.
- கறுப்பு வெள்ளை படங்களில் துவங்கி, வண்ணக் கலர் படங்கள், அனிமேஷன் படம், 3டி தொழில்நுட்பத்தில் உருவான படம், என்று இந்திய சினிமாவில் அனைத்து தொழில்நுட்பங்களிலும் நடித்திருக்கும் ஒரே நடிகர் ரஜினி மட்டும் தான்!