பயணிகளுக்கு குட் நியூஸ்..! இனி ரயிலிலும் வந்தாச்சு சொமேட்டோ!

ஐஆர்சிடிசி தனது இ கேட்டரிங் பிரிவின் மூலம் ரயில் பயணிகளுக்கு உணவுகளை வழங்குகிறது. இருப்பினும் தாங்கள் விரும்பும் உணவுகளை பெற முடியவில்லையே என்ற ஆதங்கம் ரயில் பயணிகளிடம் உள்ளது. இனி அந்த கவலை ரயில் பயணிகளுக்கு இருக்காது. ரயில் பயணிகள் விரும்பும் உணவுகளை வழங்குவதற்காக ஐஆர்சிடிசி நிறுவனம் அதிரடி நடவடிக்கையை எடுத்துள்ளது. 

ஐஆர்சிடிசி நிறுவனம் தற்போது பயணிகளுக்கு அவர்கள் விருப்பப்படும் உணவுகளை தேர்வு செய்யும் பரந்த வசதியை வழங்குவதற்காக சொமேட்டோ நிறுவனத்துடன் கூட்டணி வைத்துள்ளது. முதல்கட்டமாக டெல்லி, பிரக்யாக்ராஜ், கான்பூர், லக்னோ மற்றும் வாராணசி ஆகிய ஐந்து முக்கிய ரயில் நிலையங்களில் ஐஆர்சிடிசி தொடங்கியுள்ளது.

ஐஆர்சிடிசி- சொமேட்டோ கூட்டணி முயற்சி காரணமாக ரயில் பயணிகளின் பயண அனுபவம் புதிதாகவும், வசதியாகவும் இருக்கும் என்றும் எதிர்பார்க்கப்படுகிறது.