குட் நியூஸ்..!பணி சுமை கருதி வேலை நாட்கள் குறைப்பு..!

தமிழகத்தில் கோடை விடுமுறை முடிந்து அனைத்து பள்ளிகளும் கடந்த ஜூன் 10-ம் தேதி திறக்கப்பட்டு செயல்பட்டு வருகின்றன. பள்ளிக்கல்வித் துறை வெளியிட்ட நடப்பு கல்வி ஆண்டுக்கான (2024-25) நாள்காட்டியில் பள்ளிகளுக்கான வேலை நாட்கள் 220 என அறிவிக்கப்பட்டுள்ளது. குறிப்பாக, 19 சனிக்கிழமைகள் பள்ளிகள் செயல்படும் என்று அதில் தெரிவிக்கப்பட்டுள்ளது.

இதற்கிடையே, பணி சுமையை குறைக்கும் வகையில் வேலை நாட்களை குறைக்க வேண்டும் என்று பள்ளிக்கல்வித் துறைக்கு பல்வேறு ஆசிரியர் சங்கங்கள் வேண்டுகோள் விடுத்த நிலையில பள்ளி வேலை நாட்களை பள்ளிக்கல்வித்துறை குறைத்தது. இந்நிலையில், 220 நாளாக அறிவிக்கப்பட்ட வேலை நாட்கள் 210 நாட்களாக குறைத்து திருத்தப்பட்ட நாட்காட்டியை பள்ளிக்கல்வித்துறை வெளியிட்டுள்ளது.