குட் நியூஸ்..! 5 நாட்களுக்கு பிறகு குறைந்த தங்கம் விலை..!

தமிழகத்தில் கடந்த சனிக்கிழை தங்கம் விலை கிராமுக்கு, 25 ரூபாய் உயர்ந்து, 9,320 ரூபாய்க்கு விற்கப்பட்டது. சவரனுக்கு, 200 ரூபாய் அதிகரித்து, 74,560 ரூபாய்க்கு விற்பனையானது.

நேற்று விடுமுறை தினம் என்பதால், தங்கம் விலையில் மாற்றமில்லை. இந்நிலையில், இன்று (ஜூன் 16) 22 காரட் ஆபரண தங்கத்தின் விலை சவரனுக்கு ரூ.120 குறைந்து, ஒரு சவரன் ரூ.74,440க்கு விற்பனை செய்யப்படுகிறது.

கிராமுக்கு ரூ.15 குறைந்து, ஒரு கிராம் ரூ.9,305க்கு விற்பனை ஆகிறது. வார தொடக்கத்தில் தங்கம் விலை சவரனுக்கு ரூ.120 குறைந்து குறைந்து நகைப்பிரியர்களுக்கு மகிழ்ச்சியை ஏற்படுத்தி உள்ளது.

அதேபோல, 18 காரட் தங்கம் கிராமுக்கு ரூ.10 குறைந்து, ஒரு கிராம் ரூ.7,660-க்கும், சவரனுக்கு ரூ.80 குறைந்து, ஒரு சவரன் ரூ.61,280-க்கும் விற்பனை செய்யப்படுகிறது.

வெள்ளி விலையில் மாற்றமின்றி, ஒரு கிராம் வெள்ளி ரூ.120-க்கும், ஒரு கிலோ வெள்ளி ரூ.1,20,000-க்கும் விற்பனை செய்யப்படுகிறது.