குட் நியூஸ்..! விவசாயிகள் ஐடி கார்டு...ஆதார் கார்டு போல..!

பிஎம் கிசான் திட்டத்தின் கீழ் ஒரு பெரிய மாற்றம் வரவிருக்கிறது. தற்போது விவசாயிகளுக்கு கிசான் அடையாள அட்டையை வழங்க மத்திய அரசு தயாராகி வருகிறது. இந்த கார்டு ஆதார் கார்டு போலவே இருக்கும் என்று கூறப்படுகிறது. அடுத்த 3 ஆண்டுகளுக்கு அனைத்து விவசாயிகளுக்கும் தனித்துவம் வாய்ந்த விவசாய அடையாள அட்டை இருப்பதை உறுதி செய்ய அரசு நடவடிக்கை எடுத்து வருகிறது.

முதற்கட்டமாக 6 கோடி விவசாயிகளுக்கு பிரத்யேக விவசாய அடையாள அட்டை வழங்குவதே அரசின் இலக்காக உள்ளது. இந்த அட்டை மாநிலங்கள் மற்றும் யூனியன் பிரதேசங்களால் உருவாக்கப்படும். இந்த அட்டை விவசாயிகளை கண்காணிக்க உதவும் என்று கூறப்படுகிறது.

இந்த அடையாள அட்டை விவசாயிகளைக் கண்காணிக்கப் பயன்படுவதோடு இதன் மூலம் விவசாயிக்கு எவ்வளவு நிலம் மற்றும் கால்நடைகள் உள்ளன என்பதை அரசு அறிந்து கொள்ளும். இது தவிர விவசாயிகள் எந்த பயிர் சாகுபடி செய்துள்ளனர் என்பதையும் இந்த கார்டு மூலம் தெரிந்துகொள்ளலாம். நாட்டின் அனைத்து விவசாயிகளுக்கும் டிஜிட்டல் அடையாளத்தை வழங்க இந்த அட்டை உதவும்.

இந்த அடையாள அட்டை மத்திய அரசுக்கும் விவசாயிகளுக்கும் மிகவும் பயனுள்ளதாக இருக்கும். இந்த அட்டை மூலம் விவசாயிகள் பயிர் காப்பீடு, பயிர் கடன் போன்ற சேவைகளை எளிதாகப் பெற முடியும். நிலத்தின் வரைபடங்கள் மற்றும் விதைக்கப்பட்ட பயிர் பற்றிய தகவல்கள் கூட இதன் மூலம் கிடைக்கும். இந்த அட்டை டிஜிட்டல் பொது உள்கட்டமைப்பு வடிவத்தில் உருவாக்கப்பட்டு வருகிறது.

11 கோடி விவசாயிகளுக்கு டிஜிட்டல் அடையாளத்தை வழங்குவதற்காக டிஜிட்டல் வேளாண்மை மிஷன் என்ற திட்டத்தை அரசு உருவாக்கியுள்ளது. 2026-27 நிதியாண்டுக்குள் நம் நாட்டின் அனைத்து விவசாயிகளுக்கும் இந்தத் திட்டத்தின் பலன்களை வழங்குவதை மத்திய அரசு நோக்கமாகக் கொண்டுள்ளது. தற்போது அரசிடம் 11 கோடி விவசாயிகளின் தகவல்கள் உள்ளன. இந்த விவசாயிகள் அனைவரும் பிரதமர் பிஎம் கிசான் திட்டத்தின் பயனாளிகள் அவர். புதிய அடையாள அட்டை கொண்டுவரப்பட்டால் விவசாயிகள் பற்றிய முழுத் தகவல்களும் அரசிடம் இருக்கும்.