குட் நியூஸ்..! ஊருக்கு செல்ல 6 ஆயிரம் சிறப்பு ரயில்...!

மக்கள் நீண்ட தூரப பயணம் செய்ய ரயில் சேவை வசதியானதாக உள்ளது. குறைந்த கட்டணம், தொலைதூரப் பயணங்களுக்கு சௌகரியமாக இருப்பதால் பெரும்பாலான மக்கள் ரயில் சேவையை விரும்புகின்றனர்.

பண்டிகை காலங்களில் ரயில்களில் கூட்ட நெரிசலை தவிர்க்க ரயில்வே நிர்வாகம் சிறப்பு ரயில்களை இயக்கி வருகிறது. ரயில் தேவை எந்த வழித்தடங்களில் அதிகம் உள்ளதோ அங்கு சிறப்பு ரயில்கள் இயக்கப்படுகின்றன. இந்த நிலையில் தற்போது பண்டிகை காலங்கள் தொடங்க உள்ளன. வெளியூர்களில் தங்கி இருக்கும் பலர் சொந்த ஊர்களுக்கு பயணம் செய்வர். இதில் ரயில்களில் அதிகமான மக்கள் பயணம் செய்வார்கள்.

அந்த வகையில் வரப்போகும் பண்டிகை காலத்தை முன்னிட்டு 6 ஆயிரம் சிறப்பு ரயில்களை இயக்க இந்திய ரயில்வே நிர்வாகம் முடிவு செய்துள்ளதாக மத்திய ரயில்வே அமைச்சர் தெரிவித்துள்ளார்.

அக்டோபர், நவம்பர் மாதங்களில் பண்டிகைகள் கொண்டாடப்பட உள்ளன. அக்டோபர் 9 துர்கா பூஜை, அக்டோபர் 31 தீபாவளி கொண்டாடப்படுகிறது. நவம்பர் 7, 8ம் தேதிகளில் சத் பூஜை கொண்டாடப்படுகிறது.இப்பண்டிகை பீகார், ஜார்கண்ட் உள்ளிட்ட மாநிலங்களில் உற்சாகமாக கொண்டாடப்படும்.
மேற்கு வங்காளத்தில் துர்கா பூஜை கோலாகலமாக கொண்டாடப்படும்.

இந்த பண்டிகை காலத்தில், பீகார், ஜார்கண்ட், உத்தரபிரதேசம், மேற்கு வங்காளம் போன்ற வட மாநிலங்களுக்கு செல்லும் ரயில்களில் பயணிகள் கூட்டம் நிரம்பி வழியும். எனவே பண்டிகை காலத்தை முன்னிட்டு சுமார் 6 ஆயிரம் சிறப்பு ரயில்களை இயக்க இந்திய ரயில்வே முடிவு செய்துள்ளது என ரயில்வே அமைச்சர் அஸ்வினி வைஷ்ணவ் தெரிவித்துள்ளார்.