தங்கத்தின் விலை கடந்த சில நாட்களாக தங்கம் விலை ஏற்ற இறக்கமாக காணப்பட்ட நிலையில், கடந்த சனிக்கிழமை (ஜூலை 12) தங்கம் விலை மீண்டும் அதிரடியாக அதிகரித்தது. இதனால், நகைப் பிரியர்களுக்கு இல்லத்தரசிகளும் அதிர்ச்சியில் ஆழ்ந்துள்ளனர். 

கடந்த சனிக்கிழமை (ஜூலை 12) ஆபரணத் தங்கத்தின் விலை சவரனுக்கு ரூ.520 உயர்ந்து ஒரு சவரன் ரூ.73,120-க்கு விற்பனை செய்யப்பட்டது . தங்கம் விலை கிராமுக்கு ரூ.65 உயர்ந்து ஒரு கிராம் ரூ.9,140-க்கு விற்பனை செய்யப்பட்டது.

வெள்ளி விலை கிராமுக்கு ரூ.4.90 காசுகளும்உயர்ந்தது. ஒரு கிராம் ரூ.125-க்கும், ஒரு கிலோ பார் வெள்ளி ரூ.1,25,000-க்கும் விற்பனை செய்யப்பட்டது.

தங்கம் விலை தொடர்ந்து 4-வது நாளாக ஏற்றத்தைக் கண்டுள்ளது. இன்று(ஜூலை 14) சவரனுக்கு 120 அதிகரித்துள்ளதால் 22 கேரட் தங்கம் 1 கிராம் 9,155-க்கும், சவரன் ₹73,240-க்கும் விற்பனையாகிறது.

கடந்த வாரத்தில் சவரனுக்கு 1,250 அதிகரித்திருந்த நிலையில், இந்த வாரத்தின் முதல் நாளே ஏற்றத்துடன்
தொடங்கியுள்ளது குறிப்பிடத்தக்கது.