ஆபரணத் தங்கம் விலை கடந்த வியாழன் மற்றும் வெள்ளிக்கிழமைகளில் தலா ₹40 உயர்வை கண்டிருந்த தங்கம், தற்போது மூன்றாவது நாளாக அதிரடியான ஏற்றத்தை சந்தித்துள்ளது. இது வாடிக்கையாளர்களிடையே பெரும் அதிர்ச்சியையும், கலக்கத்தையும் ஏற்படுத்தியுள்ளது.

சென்னையில் இன்றைய நிலவரப்படி,  ஆபரணத் தங்கம் விலை வரலாறு காணாத உச்சத்தை தொட்டுள்ளது. ஒரு பவுன் தங்கம் ₹480 உயர்ந்து, ₹73,360-க்கு விற்பனையாகிறது. இதனால், ஒரு கிராம் தங்கம் ₹60 அதிகரித்து, ₹9,170-ஐ எட்டியுள்ளது.

தங்கத்தைப் போலவே வெள்ளியின் விலையும் ஏறியுள்ளது. ஒரு கிராம் வெள்ளி ₹1 உயர்ந்து ₹126-க்கு விற்பனையாகிறது. மேலும், ஒரு கிலோ கட்டி வெள்ளி ₹1,000 உயர்ந்து ₹1,26,000-க்கு விற்கப்படுகிறது.

பண்டிகை காலம் நெருங்கும் நிலையில், தங்கம் மற்றும் வெள்ளி வாங்க திட்டமிட்டவர்களுக்கு இந்த விலை உயர்வு பெரும் சுமையாக மாறியுள்ளது. நகை சந்தையின் எதிர்கால போக்கு குறித்து அனைவரும் உன்னிப்பாக கவனித்து வருகின்றனர்.