இதை தெரிஞ்சிக்கோங்க..! குளிர்காலத்தில் நோ சொல்ல வேண்டிய 7 வகை உணவுகள்..!

குளிர்கால குளிர்ச்சியை எதிர்த்து போராட செய்யும் உணவு வகைகளோடு தவிர்க்க வேண்டிய உணவுகள் குறித்தும் தெரிந்துகொள்ள வேண்டும். அப்படி தவிர்க்க வேண்டிய உணவுகள் என்னென்ன?

பால் ஊட்டச்சத்துக்களின் ஆதாரம் என்பதை மறுக்க முடியாது. ஆனால் பால் மற்றும் பால் பொருள்களில் இருக்கும் அதிகப்படியான நுகர்வு சளி உற்பத்தி மற்றும் செரிமான அசெளகரியத்தை அதிகரிக்க செய்யும். பாலிலிருந்து தயாரிக்கப்படும் குளிர்ந்த பொருள்களான மோர் கூட சளி வெளியீட்டை அதிகரிக்கலாம். பருவகால சளி மற்றும் காய்ச்சல் தொற்று கொண்டிருப்பவர்கள் மோர் தவிர்ப்பதே நல்லது. அதே நேரம் புரோபயாடிக் தேவை என்றால் தயிர் நல்ல தேர்வாக இருக்கும். இவற்றையும் இரவு நேரங்களில் சாப்பிடாமல் மதிய உணவில் அல்லது அதற்கு முன்பு ஒரு கப் தயிர் சேர்க்க வேண்டும். அதே போன்று பால் , ஸ்மூத்தி, மில்க் ஷேக் போன்ற பொருள்களை சாப்பிடுவதை கட்டுப்படுத்துவதும் நல்லது. ஆயுர்வேதத்தின் படி பால் சளியை உருவாக்கலாம். சளி இருமலுக்கு ஆளாகுபவர்கள் பாலை தவிர்க்க வேண்டும். பால் குடிப்பதாக இருந்தால் மஞ்சள் சேர்த்து குடிக்கலாம்.

அதிகப்படியான காஃபைன் நிறைந்த உணவு அதிகப்படியான நீரிழப்பை உண்டு செய்யும். நீரிழப்பு தூக்க முறைகளை மாற்றி அமைக்கும். மன அழுத்தத்தை அதிகரிக்கவும் செய்யும். குளிர்காலத்தில் சூடாக இருக்க அடிக்கடி காஃபி அல்லது டீ குடிக்க தோன்றும். ஆனால் இதை தவிர்ப்பதே நல்லது. அதற்கு மாற்றாக எலுமிச்சை தேநீர் அல்லது வெதுவெதுப்பான நீர் சேர்த்துகொள்ளலாம். மேலும் குளிர்காலத்தில் தாகம் எடுக்காது என்பதால் இயல்பாகவே போதுமான நீர் குடிக்க மாட்டார்கள். இந்நிலையில் கஃபைன் பானங்கள் மோசமான நீரிழப்பு ஏற்படுத்தலாம் என்பதால் நாள் ஒன்றுக்கு இரண்டு கப் காஃபி மேல் எடுக்க வேண்டாம்.

சாலட்கள் சாப்பிடும் பழக்கம் இருப்பவர்கள் குளிர்காலத்தில் இதை தவிர்க்க வேண்டும். குறிப்பாக மதிய உணவுக்கு பிறகு சாலட்கள் மற்றும் வேகவைக்காத உணவுகள் தவிர்ப்பது நல்லது. ஏனெனில் குளிர்ந்த உணவு பொருள்களால் வயிற்றில் அமிலத்தன்மை அதிகரிக்கும். மேலும் வயிறு உப்புசம் அதிகரிக்க செய்யும். சாலட் சாப்பிடும் பழக்கம் கொண்டிருந்தால் மதிய உணவு வேளைக்கு முன்பு எடுத்துகொள்ளலாம். ஏனெனில் இப்போது செரிமானம் உச்சத்தில் இருக்கும். அவற்றிலும் பருவ கால சாலட்களை இந்த நேரங்களில் எடுத்துகொள்ளலாம். இது ஆரோக்கியத்தை மேம்படுத்த உதவும்.

குளிர்காலத்தில் காற்றோட்டமான பானங்கள் (கார்பனேட்டட் பானங்கள்) மற்றும் குளிர்ந்த பானங்களை தவிர்க்க வேண்டும். பழச்சாறுகள் மற்றும் சர்க்கரை சேர்த்த பானங்களும் தவிர்க்க வேண்டும். இவற்றில் அதிக அளவு சர்க்கரை இருப்பதால் உடலில் இன்சுலின் எதிர்ப்பை வளர்த்து, அதன் மூலம் நோய் எதிர்ப்பு சக்தி குறையகூடும். பழங்கள் நன்மை செய்யகூடியவை என்றாலும் பழங்களை பழச்சாறாக எடுக்காமல் பழங்களாக எடுக்கலாம். வீட்டிலேயே என்றாலும் கூட பழச்சாறுகளை தவிர்ப்பதே நல்லது. பழங்களாக சாப்பிடுவது நோயெதிர்ப்பு சக்தியை அதிகரிக்கவும் செய்யும்.

இறைச்சி போன்ற கனமான உணவுகள் குளிர்காலத்தில் தவிர்க்க வேண்டும். குளிர்காலத்தில் உடல் சுறுசுறுப்பாக இருக்காது. இதனால் உடலுக்கு போதுமான ஆற்றல் இல்லாமல் செரிமான பிரச்சனையும் இருக்கும். இந்நிலையில் கனமான இந்த உணவுகள் உடலுக்கு ஜீரணிக்க அதிக நேரம் தேவைப்படலாம். உடல் எடை அதிகரிப்புக்கு காரணமாக இருக்கலாம். கனமான இறைச்சி உணவுகளை மட்டும் அல்லாமல் பதப்படுத்தப்பட்ட உணவுகளையும் தடுக்க வேண்டும். அல்லது கட்டுப்படுத்த வேண்டும். சிலருக்கு இந்த வகை உணவுகள் ஒவ்வாமையை உண்டு செய்யலாம்.

கொழுப்பு நிறைந்த உணவுகள் குளிர்கால மாதங்களில் பிடித்தமான ஒன்றாக இருக்கலாம். இது குளிர்கால மந்தத்தை மேலும் அதிகரித்து எடை அதிகரிப்பையும் ஏற்படுத்தும். கொழுப்பு மிகுந்த உணவுகள் கண்டிப்பாக தவிர்க்க வேண்டும். சூப் ஆக இருந்தாலும் க்ரீம் அடிப்படையிலான சூப்கள் மற்றும் சாஸ்கள் நிறைந்த சூப் வகைகள் போன்றவற்றை தவிர்க்க வேண்டும். அதற்கு மாற்றாக தக்காளி சூப் போன்ற ஊட்டச்சத்து மிக்க சூப் வகைகள் க்ரீம் சேர்க்காமல் இலகுவானதாக மாற்றி எடுத்துகொள்ளலாம். கொழுப்பு மாற்றாக ஆரோக்கியமான கொழுப்புகளான நட்ஸ் வகைகள் சேர்க்கலாம்.

குளிர்காலத்தில் சர்க்கரை சேர்த்த உணவுகளை தவிர்ப்பதே நல்லது. சர்க்கரை ஆற்றல் செயலிழப்பை உண்டு செய்யலாம். இதனால் நோயெதிர்ப்பு செயல்பாடு எதிர்மறையாக பாதிக்க செய்யும். இனிப்பு நிறைந்த ஸ்வீட், கேக், க்ரீம் வகைகள் போன்ற இனிப்புகளை தவிர்க்க வேண்டும். அதற்கு மாற்றாக தேன் அல்லது இயற்கை இனிப்புகளை சேர்க்கலாம். அதையும் மிதமாக எடுத்துகொள்ள வேண்டும்.