‘கேம் சேஞ்சர்’ டீசர் நவம்பர் 9-ல் ரிலீஸ்!

ஷங்கர் இயக்கத்தில், ராம் சரண் ஹீரோவாக நடித்துள்ள திரைப்படம் ‘கேம் சேஞ்சர்’. இதில் கியாரா அத்வானி நாயகியாக நடித்துள்ளார். அஞ்சலி, எஸ்.ஜே.சூர்யா, ஸ்ரீகாந்த், சமுத்திரக்கனி, நவீன் சந்திரா, ஜெயராம், சுனில் முக்கிய கதாபாத்திரங்களில் நடித்துள்ளனர். ஸ்ரீ வெங்கடேஸ்வரா கிரியேஷன்ஸ் சார்பில் தில் ராஜு படத்தை தயாரித்துள்ளார். தமன் இசையமைத்துள்ளார். கடந்த 2021-ம் ஆண்டு இப்படத்தின் படப்பிடிப்பு தொடங்கியது. கிட்டத்தட்ட 3 ஆண்டுகள் இப்படத்தின் படப்பிடிப்பு நடைபெற்று வந்த நிலையில் ஜூலையில் படப்பிடிப்பு நிறைவு பெற்றது.

போஸ்ட் புரொடக்‌ஷன் பணிகளுக்குப் பிறகு படம் டிசம்பர் மாதம் திரையரங்குகளில் வெளியாகும் என தெரிவிக்கப்பட்டிருந்தது. ஆனால், படத்தின் பணிகள் இன்னும் நிறைவு பெறாததால் படம் அடுத்த ஆண்டு ஜனவரி 10-ம் தேதி திரையரங்குகளில் வெளியாகும் என அறிவிக்கப்பட்டது. இந்நிலையில் இந்தப் படத்தின் டீசர் வரும் நவம்பர் 9-ம் தேதி வெளியாகும் என படக்குழு தெரிவித்துள்ளது.

Ready, Set... Command 😎
Get ready for #GameChanger ‘s charge in Lucknow ❤️‍🔥🧨#GameChangerTeaser launch event on 9th NOVEMBER in Lucknow, UP.#GameChanger takes charge in theatres on JAN 10th ❤️‍🔥

Global Star @AlwaysRamCharan @shankarshanmugh @advani_kiara @iam_SJSuryah… pic.twitter.com/gq9LXHCs1y

— Sri Venkateswara Creations (@SVC_official) November 5, 2024