.png)
கர்நாடக முன்னாள் துணை முதல்வர் கே.எஸ். ஈஸ்வரப்பா கட்சியிலிருந்து நீக்கம்!
கர்நாடக முன்னாள் துணை முதல்வரும் அக்கட்சியின் முன்னாள் மாநிலத் தலைவருமான கே.எஸ். ஈஸ்வரப்பா(75), 6 ஆண்டுகளுக்கு கட்சியிலிருந்து நீக்கப்படுவதாக பாஜக தலைமை அறிவித்துள்ளது. அவர் கட்சியின் விதிகளை மீறி நடந்துள்ளதாகவும், சுயேச்சை வேட்பாளராக மக்களவை தேர்தலில் போட்டியிடுவதால் பாஜகவிலிருந்து நீக்கப்பட்டுள்ளதாக பாஜக தெரிவித்துள்ளது.
தன் மகன் கே.ஈ. கந்தேஷ்க்கு ஹாவேரி தொகுதியில் போட்டியிட பாஜக சார்பில் வாய்ப்பு மறுக்கப்பட்டதற்கு, கர்நாடக மாநில பாஜக தலைவர் பி.ஒய். விஜயேந்திராவும் அவரது தந்தையும் பாஜக மூத்த தலைவருமான பி.எஸ். எடியூரப்பா மீது பகிரங்கமாக குற்றஞ்சாட்டியுள்ளார்.
கட்சியின் அறிவிப்பை மீறி, ஷிவ்மோகா மக்களவை தொகுதியில் முன்னாள் முதல்வர் பசவராஜ் பொம்மைக்கு எதிராக அதே தொகுதியில் ஈஸ்வரப்பா சுயேச்சையாக போட்டியிடுவதால், கட்சிக்கு களங்கம் ஏற்படுத்தியுள்ளதாகவும் பாஜக தலைமை வெளியிட்டுள்ள அறிக்கையில் தெரிவிக்கப்பட்டுள்ளது.