ஒவ்வொரு ராசியின் ஆரோக்கியம் மேம்பட எடுத்துக்கொள்ள வேண்டிய உணவுகள் மற்றும் தவிர்க்க வேண்டியவை..!

ஜோதிடத்தில் ஒவ்வொரு ராசிக்கும் ஒரு அதிபதி உண்டு. அந்த அதிபதியின் அடிப்படையில் அவர்களின் குணம், உடல் நலம், தன்மை உள்ளிட்டவை அமைகின்றன. ஒவ்வொரு ராசியும் நெருப்பு, நிலம், நீர், காற்று என பஞ்சபூத தன்மைகளில் ஒன்றை கொண்டிருக்கும். அதனால் ஒரு ராசியினர் குளிர்ச்சியான உடலோ, சூடான உடல், ஒல்லியான, பருமனான தேகம் கொண்டிருப்பார். அதே போல நவகிரகங்கள் ஒவ்வொன்றும் நம் உடலின் குறிப்பிட்ட சில பாகங்களை ஆளுகின்றன. அதன் காரணமாக எந்தெந்த ராசியினர் எப்படிப்பட்ட பழங்கள், காய்கறிகள் மற்றும் உணவுகளை தேர்ந்தெடுக்க வேண்டும் என்பது மிக முக்கியம். இது அவர்களின் வாழ்க்கையில் மகிழ்ச்சியையும், அமைதியையும் பராமரிக்க உதவும்.

மேஷம்
செவ்வாய் பகவான் ஆளக்கூடிய மேஷம் பெரும்பாலும் உஷ்ண உடல் கொண்டவர்களாக இருப்பார்கள். அதிக ஆற்றல் தேவைப்படக்கூடிய இவர்களுக்கு புரதம் நிறைந்த உணவுகளை எடுத்துக் கொள்ளலாம். அதனால் உடலை குளிர்விக்கும் விதமாக தர்பூசணி, திராட்சை சாறு, தக்காளி மற்றும் வெள்ளரிக்காய் சேர்த்து சாப்பிடுதல் கடைப்பிடித்தால் உடல் நலம் சீராக இருக்கும். பெரும்பாலும் இவர்களுக்கு ஏற்படும் உடல் உஷ்ணத்தால் ஏற்படும் பிரச்னைகள் தீரும்.

தவிர்க்க வேண்டியவை : மெதுவாக ஜீரணம் ஆகக்கூடிய உணவுகள், துரித உணவுகள்.

ரிஷபம்
சுக்கிர பகவான் ஆளக்கூடிய ரிஷப ராசியினர் எதிலும் பிடிவாதமானவர்கள். இவர்கள் தினமும் எலுமிச்சை சாறு குடித்து வர உங்களின் நிதானம் அதிகரிப்பதோடு, உடலுக்கு ஆற்றலும் மேம்படும். சத்து நிறைந்த உங்களுக்கு பிடித்த உணவுகள், பால் சார்ந்த பொருட்கள்.

தவிர்க்க வேண்டியவை : பதப்படுத்தப்பட்ட, துரித உணவுகள், அதிக காரணமான உணவுகள்.

மிதுன ராசி

புத்திக்கூர்மை தரக்கூடிய புதன் பகவான் ஆளக்கூடியது மிதுன ராசி. இவர்கள் புதினா டீ, மாம்பழம், மிக எளிதாக ஜீரணம் ஆகும் உணவுகளையும், சாலட் போன்றவை எடுத்துக் கொள்ளலாம். மனதுக்கு நிறைவு தரக்கூடிய பல்வேறு சத்துக்கள் தரும் காய்கறிகள் (இறைச்சி) அடங்கிய முழு உணவு, பழங்கள் உண்ண விரும்புவார்கள்.

தவிர்க்க வேண்டியவை :
வயிறு ஜீரணிக்க கடினமான உணவுகள், சலிப்பான உணவுகளைத் தவிர்க்கவும்.

கடகம்

மனோக்காரகன் சந்திரன் ஆளக்கூடியது கடக ராசி. இவர்கள் தேங்காய் தொடர்பான உணவுகள், இளநீர் மற்றும் லஸ்ஸியை உட்கொண்டு வர மனம் சமநிலைப்படும். அடிக்கடி காய்கறி சூப் செய்து பருகலாம். மன அமைதி அதிகரிக்கும்.
தவிர்க்க வேண்டியவை : கடக ராசியினர் அதிகம் குளிர்ச்சியை விரும்புவார்கள். இருப்பினும் குளிர்ச்சியான உணவை தவிர்ப்பது மிகவும் நல்லது.

சிம்ம ராசி
நவகிரகங்களின் தலைவனான சூரிய பகவான் ஆளும் ராசி. இவர்கள் கேரட் மற்றும் ஆரஞ்சு பழங்கள், நேர்த்தியாக தயாரிக்கப்பட்ட சத்து நிறைந்த உணவுகள் எடுத்துக் கொள்ளலாம். உடல் குளிர்ச்சியை பேண முயற்சிக்கவும்.
பசியை தூண்டாத, எளிதில் செரிக்காத உணவுகளை தவிர்ப்பது அவசியம்.

கன்னி ராசி

இவர்கள் பருவகால பழங்களையும், வெள்ளரிக்காய், முழு தானியங்கள், கீரைகளை அடிக்கடி எடுத்துக் கொள்ள உடலின் குளிர்ச்சி தன்மை சிறக்கும். உடல் சமநிலைப்படும்.
தவிர்க்க வேண்டியவை : கிரீம், பதப்படுத்தப்பட்ட உணவுகளை தவிர்க்கவும். மேலும் சோம்பலாக இருக்க வேண்டாம்.

துலாம் ராசி
சுக்கிரன் அருளாசி பெற்ற துலாம் ராசியினர் வாழைப்பழம், எலுமிச்சை நீர், சமச்சீர் உணவு, சாலடுகள் உட்கொள்வது நல்லது.

விருச்சிக ராசி
மாதுளை, சாத்துக்குடி, ஆரஞ்சு பழம் என பழங்களும், கீரைகளும் நீங்கள் எடுத்துக் கொண்டு வர செவ்வாய் கிரகத்தினால் ஏற்படும் உங்கள் கோபம், உக்கிரமான செயல்பாடு அமைதிப்படுத்தப்படும். உடல் குளிர்ச்சியை பேணவும்.

அதிகம் இறைச்சி சாப்பிடுவதை தவிர்க்கவும். ஒவ்வாமை தரக்கூடிய உணவு வேண்டாம்.

தனுசு ராசி

குரு அருள் நிறைந்த தனுசு ராசியினர் பழச்சாறு அதிகம் எடுத்துக் கொள்ளலாம். தங்கள் உணவில் எளிமையாக இருப்பினும், காய்கறி, கீரைகளை எடுக்க மறக்காதீர்கள். இது உங்களின் மன, உடல் சக்தியை அதிகரிக்கும்.
ஒரேமாதிரியான உணவுகள், பதப்படுத்தப்பட்ட, அதிக உணவுகள் வேண்டாம்.

மகர ராசி
சனி கிரகம் ஆளக்கூடிய மகர ராசியினர் எப்போதும் பரபரப்பாக இருக்கக்கூடியவர்கள். இவர்கள் கருப்பு திராட்சை, நுங்கு, கருப்பு உளுந்து வேகவைத்து எடுத்துக் கொண்டு வர உடல் சமநிலைப்படும்.

தவிர்க்க வேண்டியவை : உங்கள் உடலுக்கு ஒத்துக் கொள்ளாத, வழக்கத்திற்கு மாறான உணவுகளை தவிர்க்கவும்.

கும்ப ராசி
சனி பகவான் அதிபதியாக கொண்ட கும்ப ராசியினர் குளிர்ச்சியான உடல், மன நிலையில் இருந்தால் புத்துணர்ச்சியுடன் செயல்படலாம். அதனால் உடலுக்கு குளிர்ச்சி தரும் பழங்கள், காய்கறிகள் சேர்ந்த உணவுகளை எடுத்துக் கொள்ளலாம்.

தவிர்க்க வேண்டியவை
சோம்பலைத் தவிர்க்கவும். அதிக எண்ணைப் பலகாரங்கள் கூடாது.

மீனம்

குருவை அதிபதியாக கொண்ட மீன ராசியினர் மாம்பழம், பலாப்பழம் போன்ற பருவ கால பழங்களை அந்தந்த நேரத்தில் வாங்கி உண்பது நல்லது. தரமான இறைச்சி உணவுகளை சாப்பிடலாம். நார்ச்சத்து இவர்களுக்கு அதிகம் தேவை என்பதால் அது அடங்கி பழங்கள், கீரைகளை எடுத்துக் கொள்வது அவசியம்.
தவிர்க்க வேண்டியவை
அதிகப்படியான, செரிமானம் ஆக நீண்ட நேரம் எடுக்கக்கூடிய உணவுகளை தவிர்க்கலாம்.

குறிப்பு : ராசிகளுக்கு உரிய உணவுகளை மட்டும் எடுத்துக் கொண்டால் போதாது, எளிய உடற்பயிற்சியாவது செய்வது அவசியம். அதன் மூலம் ஆரோக்கிய மேம்பாடும், கிரக அனுகூலத்தையும் பெற்றிடலாம்.