ரசிகர்கள் அதிர்ச்சி..! முதல் 2 போட்டிகளில் கேஎல் ராகுல் விளையாட மாட்டார்..!

இந்தியா, பாகிஸ்தான், இலங்கை உள்ளிட்ட 6 அணிகள் பங்கேற்கும் ஆசிய கோப்பை தொடர் நாளை தொடங்குகிறது. இந்த தொடரின் தொடக்க ஆட்டத்தில் பாகிஸ்தான் - நேபாளம் அணிகள் மோதுகின்றன. இந்த போட்டி பாகிஸ்தானில் நடக்கிறது. இந்திய அணி முதல் போட்டியில் பாகிஸ்தானை எதிர் கொள்கிறது. இந்த போட்டி 2-ம் தேதி இலங்கையில் நடக்கிறது.

வரும் அக்டோபர் மாதம் இந்தியாவில் உலகக்கோப்பை தொடர் நடைபெற உள்ளது. அந்த உலகக்கோப்பை தொடருக்கு சிறப்பாக தயாராகும் பொருட்டு ஆசிய அணிகள் இந்த ஆசிய கோப்பை தொடரை சிறப்பாக பயன்படுத்தி கொள்ளும்.

இந்தத் தொடருக்கான அணி ஏற்கனவே அறிவிக்கப்பட்டாலும் இந்திய அணியில் சில பிரச்சனைகள் இருப்பதாக கருதப்பட்டது. காயத்திலிருந்து ஸ்ரேயாஸ் ஐயர் முழுமையாக குணமடைந்து பயிற்சி ஆட்டத்தில் சிறப்பாக விளையாடினார்.

இந்த நிலையில் ஆசிய கோப்பைக்கான முதல் 2 போட்டியில் கேஎல் ராகுல் விளையாடமாட்டார் என இந்திய அணியின் தலைமை பயிற்சியாளர் ராகுல் டிராவிட் தெரிவித்துள்ளார்.

இது குறித்து அவர் கூறியிருப்பதாவது, கேஎல் ராகுல் மிகவும் நன்றாக முன்னேறி வருகிறார். ஆனால் ஆசிய கோப்பையின் முதல் இரண்டு போட்டிகளான பாகிஸ்தான் மற்றும் நேபாளத்திற்கு எதிராக அவர் விளையாடமாட்டார் என்று கூறினார்.