பிரபல நடிகரின் மகள் பெயரில் லட்சக்கணக்கில் மோசடி..!

மகேஷ்பாபு 2000-ம் ஆண்டில் நடித்த திரைப்படம் வம்சி. இப்படத்தில் அவருக்கு ஜோடியாக நர்மதா நடித்திருப்பார். இப்படத்தின்போதே இருவரும் காதலிக்கத் தொடங்கி 5 ஆண்டுகள் கழித்து திருமணம் செய்து கொண்டனர். இவர்களுக்கு சித்தாரா என்ற மகளும், கௌதம் என்ற மகனும் உள்ளனர். அண்மைக்காலமாக மகேஷ் பாபுவின் மகள் சித்தாரா சமூக வலைதளங்களில் ஆக்டிவாக இருந்து வருகிறார். வெளிநாட்டில் தங்கி படிக்கும் அவர் அவ்வப்போது அவரது புகைப்படம் மற்றும் நடன வீடியோக்களை பகிர்ந்து டிரெண்டிங்கில் இருந்து வருகிறார். இதனிடையே, அவர் பிஎம்ஜே நகை நிறுவனத்தின் பிராண்ட் தூதராவும் உள்ளார்.

இந்நிலையில், சித்தாரா பெயரில் சிலர் சமூக வலைதளங்களில் போலிக்கணக்குகளை தொடங்கி பண மோசடி செய்து வருவதாக குற்றச்சாட்டு எழுந்தது. இது தொடர்பாக போலீசிலும் புகார் அளிக்கப்பட்டுள்ளது. மேலும், இதுகுறித்து மகேஷ் பாபுவின் தயாரிப்பு நிறுவனமான ஜிஎம்பி கம்பெனியும் எச்சரிக்கை விடுத்து அறிக்கை வெளியிட்டுள்ளது.