ஸ்டார் ஷிப் சோதனையின்போது பயங்கர வெடிவிபத்து... நடந்தது என்ன?

உலக அளவில் விண்வெளி துறையில் பல்வேறு சாதனை புரிய வேண்டும் என்பது தான் எலான் மஸ்கின் நீண்ட நாள் கனவு ஆகும். மனிதர்களை விண்வெளிக்கு சுற்றுலா அழைத்து செல்வது உள்பட பல்வேறு புதிய திட்டங்களை எலான் மஸ்க் கையில் வைத்துள்ளார்.

இதற்காக பல்வேறு கட்டங்களாக ஏவுகணை சோதனைகளை எலான் மஸ்க் நடத்தி வருகிறார். இந்த நிலையில் எலான் மஸ்கின் ஸ்பேஸ் எக்ஸ் நிறுவனம் நடத்திய பரிசோதனையின்போது திடீர் வெடி விபத்து ஏற்பட்டுள்ளது. விண்கலம் சுற்றிய பகுதிகளில் பெரும் வெடிப்பு ஏற்பட்டதாக கூறப்படுகிறது. இதனால் டெஸ்ட் லாஞ்ச் தற்காலிகமாக நிறுத்தப்பட்டுள்ளது. இந்த சம்பவம் எலான் மஸ்கை அதிர்ச்சி அடைய செய்துள்ளது.

ஸ்டார்‌ஷிப் என்பது மனிதர்களை நிலா மற்றும் மார்சுக்குக் கொண்டு செல்லும் மிகுந்த ஆற்றல் கொண்ட ராக்கெட். இது மீண்டும் பயன்படுத்தக்கூடிய விண்கலமாக வடிவமைக்கப்பட்டுள்ளது. இதன் மூலம் விண்வெளிக் கட்டண செலவுகளை குறைத்து, இடைவெளிகளைச் சுருக்குவது ஸ்பேஸ் எக்சின் முக்கிய நோக்கமாகும். ஸ்டார்‌ஷிப் திட்டம் முழுமையாக வெற்றி பெறுமானால், இது வரலாற்றிலேயே மிகப்பெரிய விண்வெளி சாதனையாக மாறும் என எதிர்பார்க்கப்படுகிறது.