.png)
மத்திய அமைச்சர் தெரிவித்த தகவல் அதிர்ச்சியளிக்கிறது - எடப்பாடி பழனிசாமி!
எடப்பாடி பழனிசாமி தனது எக்ஸ் தளத்தில் வெளியிட்ட பதிவில் கூறியிருப்பது,
மத்திய அரசின் புதிய கல்விக் கொள்கையில் தமிழகத்திற்கு பாதிப்பு ஏற்படக்கூடிய சில நிபந்தனைகள் உள்ளன என்பதைக் பல முறை சுட்டிக்காட்டியுள்ளோம். தமிழகம் எந்த மாற்றமுமின்றி அதைப் பின்பற்ற வேண்டும் என வலுக்கட்டாயமாக வற்புறுத்தப்படுவது, இதுவரை தமிழகத்தில் கல்வித் துறையில் அடைந்த சிறப்பான சாதனைகளைப் பாதிக்கும் வகையில் இருமொழிக் கொள்கைக்கு எதிரான மும்மொழிக் கொள்கையை மத்திய அரசு திணிக்க முயற்சிக்கிறது. இதனால் தமிழக மக்களுக்குப் பெரும் பாதிப்பு ஏற்படும்.
இந்தச் சூழ்நிலையில், மத்திய கல்வி அமைச்சர் ‘PM SHRI’ திட்டத்தை ஏற்காவிட்டால் தமிழகம் சுமார் 5 ஆயிரம் கோடி ரூபாய் நிதியை இழக்க வாய்ப்பு இருப்பதாகக் கூறிய தகவல்கள், தமிழக மக்களிடையே அதிர்ச்சியை ஏற்படுத்தியுள்ளன. இதனால், மத்திய அரசுக்கு எதிரான கோபமும் அதிகரித்துள்ளது.
மத்திய அரசு, தமிழக அரசின் பள்ளிக் கல்வித் துறைக்கு SSA – சமக்ர சிக்ஷா அபியான் திட்டத்தின் கீழ் வழங்க வேண்டிய நிதியை இந்த ஆண்டு திடீரென நிறுத்தியதால், மாணவர்களுக்கும், ஆசிரியர்களுக்கும் பெரும் பாதிப்புகள் ஏற்பட்டுள்ளன. இதனால் மக்களிடையே கடுமையான கோபம் உருவாகியுள்ளது.
தமிழ்நாட்டின் அறிவியல் சார்ந்த தலைவர்களால், குறிப்பாகப் பேரறிஞர் அண்ணா போன்றவர்களின் வழிகாட்டுதலின் அடிப்படையில், இருமொழிக் கொள்கையின் அவசியம் மற்றும் முக்கியத்துவம் குறித்து மத்திய அரசுக்கு விளக்கமாகக் கூறப்பட்டுள்ளது.
தமிழ் அல்லாத பிற மாநிலங்களிலும், நாடுகளிலும் அந்தந்த மொழிகளைத் தேவைக்கேற்ப கற்று சிறப்பாகச் செயல்படுத்தப்படுகின்றன.
எனவே, தமிழ் நாட்டிற்கு இந்தக் காலத்தில் மும்மொழிக் கொள்கை தேவையற்றதாகும். இந்த நிலைப்பாட்டில் அனைத்திந்திய அண்ணா திராவிட முன்னேற்றக் கழகம் உறுதியாக நிலைநிறுத்தியுள்ளது.
மத்திய அரசு இந்த உண்மை நிலையைப் புரிந்து கொண்டு, தமிழ் நாட்டில் மும்மொழிக் கொள்கை திணிப்பை நிறுத்த வேண்டும் என வலியுறுத்துகிறேன். அதே நேரத்தில், மத்திய அரசின் நிதியுதவியுடன், மாநில அரசின் நிதி பங்குடன் நிறைவேற்றப்படும் பல திட்டங்கள் உள்ளன. இவை அனைத்தும் அந்தந்த துறைகளில் உள்ள குறியீடுகளை அடைவதற்கான நோக்கத்துடன் செயல்படுத்தப்படுகின்றன.
இதில் மாநில அரசின் பங்கும் முக்கியமாக உள்ளது. கல்வித் துறையில் தேசிய கல்விக் கொள்கையில் உள்ள பல குறியீடுகளைத் தமிழ் நாடு பின்பற்றுகிறது.
மத்திய அரசு, மாநில அரசுடன் உடனடியாக விவாதித்து ஒரு இணக்கமான முடிவை எடுக்க வேண்டிய அவசியம் உள்ளதாகக் கூறப்படும் இத்தகைய ஆட்சேபனைக்குரிய ஷரத்துக்கள், `சமக்ரா சிக்ஷா அபியான் திட்டம்’ போன்ற முக்கியமான திட்டங்களுக்குத் தேவையான நிதியை விடுவிக்க மறுத்தால், அது தமிழ் நாட்டில் உள்ள மாணவர்கள், ஆசிரியர்கள் மற்றும் பொதுமக்கள்மீது மத்திய அரசு ஏற்படுத்தும் துரோகமாகக் கருதப்படுகிறது.
இதனால், தமிழக மக்கள் தங்கள் குழந்தைகளின் எதிர்காலத்தைப் பற்றி மிகுந்த அச்சம் மற்றும் மத்திய அரசின் மீது வேதனை மற்றும் வெறுப்பு உணர்வுகளை அனுபவிக்கிறார்கள். எனவே, மக்கள் நலனுக்காக மத்திய அரசு இத்தகைய தன்னிச்சையான அணுகுமுறையை மாற்றி, தமிழ் நாடு அரசு எதிர்ப்பு தெரிவிக்கும் ஷரத்துக்கள் குறித்து விரிவான கலந்தாலோசனைகளை நடத்த வேண்டும்.