கனவு பலன்கள் : கனவில் பாலை கண்டால் என்ன பலன்? அதுவே பால் பொங்கினால்..

ஒவ்வொரு கனவுக்கு ஒருவித பலன்கள் உண்டு என சொப்பன சாஸ்திரம் கூறுகின்றது. அந்த வகையில் பால் சார்ந்த பொருட்கள் நம் கனவில் வந்தால் எப்படிப்பட்ட பலன்கள் கிடைக்கும் என்பதைப் பார்ப்போம்.

கனவு சாஸ்திரங்களின்படி, ஒரு கனவில் பால் பார்ப்பது மிகவும் சாதகமானதாகப் பார்க்கப்படுகிறது. இருந்தாலும். இதில் சில நிபந்தனைகள் பொருந்தும். உங்கள் கனவில் வெள்ளை மற்றும் சுத்தமான பாலை கண்டால் அது உங்களின் ஆரோக்கிய மேம்பாட்டைக் குறிக்கிறது.
 

கனவில் பால் குடிப்பது : 
ஒரு நபர் தன் கனவில் பால் குடிப்பது போல கண்டால், அவரின் வாழ்க்கையில் வெற்றிக்கான பாதை திறக்கப் போகிறது என்று பொருள்.
அதுமட்டுமல்லாமல் உங்கள் கனவில் பால் பார்ப்பதால் நீங்கள் சரியான முடிவு, வேலையில் சரியான திசையில் செல்கிறீர்கள் என்று நம்பலாம்.

கனவில் பால் பொங்குவதைப் பார்ப்பது : 
உங்கள் கனவில் பால் பொங்குவதைப் போல பார்த்தால் அது நல்ல அறிகுறியாகக் கருதப்படாது. அதனால் சில புதிய பிரச்னைகளை உங்கள் வாழ்க்கையில் வரலாம். ஒருவித சிக்கலில் நீங்கள் சிக்கிக் கொள்ள வாய்ப்புள்ளது. அத்தகைய கனவு கண்டால் கவலைப்படத் தேவையில்லை. நீங்கள் செய்ய வேண்டியது உங்கள் தற்போதைய வேலை மற்றும் திட்டத்தில் கவனம் செலுத்தவும்.

கனவில் கொதிக்கும் பாலை பார்ப்பது :
கனவில் பால் கொதிப்பது போன்ற கண்டால், மங்களகரமானதாகக் கருதப்படுகிறது. இதனால் உங்களுக்கு விரைவில் சில நல்ல செய்திகள் கிடைக்கப் பெறலாம். இந்த வகையான கனவுகள் உங்கள் முன்னேற்றத்தைக் குறிக்கிறது. உங்கள் கடினமான நீண்ட கால உழைப்புக்கு விரைவில் நல்ல பலன் கிடைக்கும்.

கர்ப்பிணிகள் கனவில் பால் கண்டால் : 
பால் என்பது பரிசுத்தமானது. அது சார்ந்த கனவு கர்ப்பிணி பெண்களுக்கு வந்தால் உங்களின் தாய்மை, தன்னலமற்ற அன்பைக் குறிக்கிறது. இது ஒரு சுபமான பலன் தருவதாகவே இருக்கும்.

பால் சாப்பிடுவதன் அர்த்தம்
கனவில் பால் சாப்பிடுவது போன்றோ, பால் சாதம் சாப்பிடுவது போல பார்த்தால் உங்களின் எந்த ஒரு புதிய திட்டங்களும் நிறைவேறும். அதன் மூலம் எதிர்காலத்தில் நனமை தரும் என்று பொருள். அதுமட்டுமல்லாமல் இந்த கனவால் பண லாபம் பெறலாம் என்பதைக் குறிக்கிறது.

கனவில் பால் வாங்குவது :

பால் வாங்குவது போன்று கனவில் கண்டால் அது உங்களின் ஆரோக்கியம் அதிகரிக்கும். நீங்கள் ஏதேனும் உடல்நலப் பிரச்சினையால் பாதிக்கப்பட்டிருந்தால் அதிலிருந்து மீளப் போகிறீர்கள் என்று அர்த்தம். பொதுவாக, இத்தகைய கனவுகள் உங்கள் நல்ல ஆரோக்கியத்தைக் குறிக்கின்றன.