அலட்சியம் வேண்டாம்..வலது தோள்பட்டை வலி வந்தா லேசா எடுத்துக்காதிங்க..!

உங்கள் வலது தோள்பட்டையில் வலி ஏற்பட்டால், அது பித்தப்பைக் கற்கள் பிரச்சனையைக் கூட குறிக்கலாம்.,பித்தப்பையில் சேரும் கொழுப்பு, பிலிரூபின் மற்றும் கால்சியம் உப்புகளின் படிவுகள் குவிந்து சிறிய கற்களாக மாறுகின்றன. அவை வயிற்று வலி, குமட்டல், காய்ச்சல், மஞ்சள் காமாலை மற்றும் அடர் நிற மலம் மற்றும் சிறுநீரை ஏற்படுத்துகின்றன. சில நேரங்களில் வலது தோள்பட்டை வலி பித்தப்பைக் கற்களையும் குறிக்கலாம்.

இந்த வலி தொடர்ந்து இருந்தால், கூடவே செரிமான அசௌகரியமும் இருந்தால், அது மிகவும் தீவிரமான ஒன்றின் அறிகுறியாக இருக்கலாம். அதுதான் பித்தப்பைக் கற்கள்.இதை சாதாரண பிரச்சனை என்று நாம் கடந்து செல்ல முடியாது.

பித்தப்பை பிரச்சினைகள் பொதுவாக வயிற்று வலியை ஏற்படுத்தினாலும், உடலின் சிக்கலான நரம்பு இணைப்புகள் வலது தோள்பட்டையில் குறிப்பிடப்பட்ட வலிக்கு வழிவகுக்கும். பித்தப்பைக் கற்களுக்கும் தோள்பட்டை அசௌகரியத்திற்கும் இடையிலான தொடர்பைப் புரிந்துகொள்வது துல்லியமான நோயறிதலுக்கும் பயனுள்ள சிகிச்சைக்கும் மிக முக்கியமானது. 

தோள்பட்டை வலி சில நேரங்களில் பித்தப்பைக் கற்களின் அறிகுறியாக இருக்கலாம். ஆனால் வயிற்று வலி இல்லாத நிலையில் தீவிர தோள்பட்டை வலி அசாதாரணமானது என்று கூறினார். பித்தப்பைக் கற்கள் மட்டும் தனியாக, குறிப்பிடத்தக்க வலது தோள்பட்டை வலிக்கு காரணமாக இருக்க வாய்ப்பில்லை என்றும் அவர் கூறினார்.

பித்தத்தில் காணப்படும் கொழுப்பு மற்றும் பிற பொருட்களிலிருந்து பித்தப்பை கற்கள் உருவாகின்றன. பருமனானவர்கள் அல்லது விரைவாக உடல் எடையை குறைக்க முயற்சிக்கும் நபர்களுக்கு பித்தப்பைக் கற்கள் வரும் வாய்ப்புகள் அதிகம்.

இந்தப் பித்தப்பை கற்கள் ஆரம்பத்தில் எந்தவித அறிகளும், பாதிப்புகளையும் வெளிப்படுத்தாமல் உருவாகும். ஆனால் நாள்பட்ட பின்னர் மோசமான பாதிப்புகளையும் தீவிர வலியினையும் கொடுக்கும்.

பித்தப்பை கல் உள்ளவர்களுக்கு வலது நெஞ்சு வலி, தலை வலி, பின் முதுகில் வலி, வலது தோள்பட்டை முதல் உள்ளங்கை வரை வலி உண்டாகும். வயிற்றில் மேல் பகுதியில் வலது புறத்தில் வலி கடுமையாக ஏற்படும். அதிகப்படியான உடல் எடை குறைவு.

உங்களுக்கு பித்தப்பையில் கல் இருப்பது உறுதியானால், நீங்கள் கட்டாயம் உங்களது உணவுப் பழக்கங்களை மாற்றிக்கொள்ளவேண்டும். அசைவ உணவுகளை முற்றிலும் தவிர்க்க வேண்டும். ஃப்ரிட்ஜியில் வைத்த உணவுகளை உட்கொள்ளக்கூடாது.

எண்ணெயில் வறுத்த அல்லது பொரித்த உணவுகளை கட்டாயம் உட்கொள்ளக்கூடாது. மேலும் அதிகம் கொழுப்பு நிறைந்த உணவுகள், பரோட்டா, ஃபிரைட் ரைஸ், மக்ரோனி, நூடுல்ஸ் பீசா, பர்க்கர் போன்ற மைதா மாவில் செய்யும் உணவுகளை முற்றிலும் தவிர்த்து கொள்ளுதல் வேண்டும்.

பசித்தால் மட்டுமே உணவு உட்கொள்ள வேண்டும். இதனைக் கடைப்பிடிக்கும் போது பித்தப்பை கற்கள் கரைய உதவியாக இருக்கும்.