ஏன் தெரியுமா ? மட்டன் பழுப்பு நிறத்திலோ அல்லது நிறத்தில் மாற்றம் இருந்தாலோ வாங்க கூடாது..!

மட்டன், சிக்கன், மீன் உள்ளிட்டவற்றை வாங்கும்போது எப்படி பார்த்து வாங்க வேண்டும் என்று இங்கு நாம் தெரிந்து கொள்ளலாம்.

சிக்கன், மட்டன், மீன், கணவாய், நண்டு என எந்த கறி வகையாக இருந்தாலும், அதுஃபிரஷ்ஷாக இருக்கிறதா இல்லையா என்பதை சில அடிப்படை விஷயங்களை வைத்து தெரிந்து கொள்வார்கள். அதில் மிக முக்கியமானது,
இறைச்சியின் நிறம்,
இறைச்சியின் தன்மை,
இறைச்சியின் வாசனை,
ஆகியவற்றை வைத்து தான் தீர்மானிக்கப்படுகிறது.

பிரஷ்ஷான மட்டன் வாங்க வேண்டும் என்று நினைத்தால் கீழ்வரும் விஷயங்களை மனதில் வைத்துக் கொள்ளுங்கள்.

நிறம் - நல்ல சிவப்பு நிறத்திலோ அல்லது இளஞ்சிவப்பு நிறத்திலோ இருப்பது தான் ஃபிரஷ்ஷான மட்டன். கொஞ்சம் கருஞ்சிவப்பாகவோ உலர்ந்த நிலையிலோ அல்லது வெளிறிப் போன நிறத்திலோ இருந்தால் இது பழைய இறைச்சியாக இருக்கலாம்.
 

அளவு - பெரிய ஆடாக இருந்தால் அதன் இறைச்சி கொஞ்சம் கடினமானதாக இருக்கும். மென்மையாக இருக்காது. 6 மாதம் முதல் 1 வருடம் வளர்ந்த ஆடாக இருப்பதை பார்த்து வாங்கினால் அது மிக மென்மையாக இருக்கும்.
 

வாசனை - ஃபிரஷ்ஷான மட்டனில் இறைச்சியின் வாசனை நன்றாக வரும். பழைய இறைஞ்சியாக இருந்தால் துர்நாற்றம் வீசும். அல்லது சிக்கு வாடை அடிக்கும்.
 

எலும்பு மற்றும் கொழுப்பு - ஃபிரஷ்ஷான இறைச்சியில் வெண்மையான மற்றும் இளஞ்சிவப்பு நிறமாக எலும்புகளும் கொழுப்பும் இருக்கும். பழுப்பு நிறத்திலோ அல்லது கொஞ்சம் நிறத்தில் மாற்றம் இருந்தாலோ அது பழைய இறைச்சியாக இருக்கலாம்.

சிக்கன் வாங்கும்போது கவனிக்க வேண்டிய விஷயங்கள்:

நிறம் - ஃபிரஷ்ஷான சிக்கனின் நிறம் நல்ல இளஞ்சிவப்பாகவும் பிங்க்கும் வெண்மை நிறம் கலந்ததாகவும் இருக்கும். பழைய கெட்டுப் போன சிக்கனாக இருந்தால் அதன் நிறம் மங்கலாக, வெளிறிப்போய் இருக்கும்.
தன்மை - ஃபிரஷ்ஷான சிக்கனை தொட்டுப் பார்த்தால் அதன் தசை கொஞ்சம் இறுக்கமாக இருக்கும். ஆனால் கெட்டுப் போன அல்லது பழைய சிக்களை தொட்டால் கொழகொழவென்று இருக்கும். தசைகள் லூசாகி இருக்கும்.
வாசனை - சிக்கன் வாங்கும்போது அதன் வாசனையை கவனிக்க வேண்டியது மிக முக்கியம். ஏனெனில் சிக்கன் கொஞ்சம் பழையதாக ஆனாலும் அதிலிருந்து துர்நாற்றம் வீச ஆரம்பித்து விடும்.
நீர்த்தன்மை - சிக்கனை பொருத்தவரை ஃபிரஷ்ஷானதாக இருந்தால் அது கொஞ்சம் கெட்டியாக இருக்கும். பழைய சிக்கனாக இருந்தால் அதிலிருந்து தண்ணீர் விட ஆரம்பித்துவிடும். கையில் தொட்டாலே அதிக ஈரமாக இருப்பது போல இருக்கும். இதை வைத்தே அது கெட்டுப்போன இறைச்சி என்று கண்டுபிடித்து விடலாம்.
 

மீன் வாங்கும்போது கவனிக்க வேண்டிய விஷயங்கள்

மற்ற இறைச்சி வகைகளை விட மீன் வாங்கும்போது தான் மிகுந்த கவனத்துடன் இருக்க வேண்டும். அதிலும் குறிப்பாக கடல் மீன்கள் வாங்கும்போது அதிக கவனத்துடன் இருக்க வேண்டும். மீன் பிடித்து கரைக்கு வந்து பின் மார்க்கெட்டுகளுக்கு வரும் கால அளவு வேறுபடும். அதனால் அவற்றில் மிகுந்த கவனத்துடன் இருக்க வேண்டும்.

கண்கள் - மீன் வாங்கும்போது அது எவ்வளவு ஃபிரஷ் என்பதை அதன் கண்களைப் பார்த்தே தெரிந்து கொள்ளலாம். மீனின் கண்கள் கண்ணாடி போன்று பளிச்சென்று பிரகாசமாக இருக்கும்.

வாசனை - மீனைப் பொருத்தவரை கடற்கரை, மணல் அதன் வாசனையோடு இருக்கும். கெட்டுப்போன வாசனை, துர்நாற்றம் ஆகியவை இல்லாமல் இருக்க வேண்டும்.

தன்மை - மீனை தொட்டுப் பார்த்தும் அது எவ்வளவு ஃபிரஷ் என்று தெரிந்து கொள்ளலாம். மீனை தொட்டு, அமுக்கி பார்த்தால் உள்ளே போனாலும் திரும்ப தசைகள் மேலே வந்துவிடும். உள்ளே அமுங்கியோ அதன் தசைகள் உடையவோ கூடாது. அப்படி உடைந்தோ அமுங்கியோ போனால் அது பழைய மீன் என்று அர்த்தம்.

மீனின் நிறம் மற்றும் தோல் - ஃபிரஷ்ஷான மீனாக இருந்தால் அதன் நிறம் மற்றும் தோல் பிரகாசமாகவும் ஈரப்பதம் கொண்டதாகவும் இருக்கும். இதுவே தோலின் நிறம் மங்கலாக வறட்சியாக இருந்தால் அது பழைய மீனாக இருக்கும்.

செவுள் - மீன் ஃபிரஷ்ஷாக இருக்கிறதா என்பதை கண்டுபிடிக்கும் மிக எளிமையான வழி இதுதான். மீனின் செவுள் பகுதியைத் தூக்கிப் பார்த்தால் இது நல்ல ஃபிரஷ்ஷான ரத்தத்துடன் சிவப்பாக இருந்தால் அது ஃபிரஷ்ஷான மீன். அதுவே செவுளின் உள்ளே ரத்தம் காய்ந்து ஆக்சிடேட் ஆகி கருமையாக இருந்தால் அது பழைய, கெட்டுப்போன மீனாக இருக்கும்.

கெட்டுப்போன இறைச்சியை சாப்பிடுவதால் ஏற்படும் தீமைகள்

பழைய அல்லது கெட்டுப் போன இறைச்சியை சாப்பிடும்போது உடலில் நிறைய ஆரோக்கியக் குறைபாடுகள் உண்டாகும். அவற்றில்,

வயிறு சார்ந்த பிரச்சினைகள் - கடுமையான வயிற்று வலி, வாந்தி உள்ளிட்ட பிரச்சினைகள் ஏற்படலாம்.

ஃபுட் பாய்சன் - கெட்டுப்போன இறைச்சியால் ஃபுட் பாய்சன் ஆனால் குமட்டல், வாந்தி, வயிற்றுப் போக்கு, டயேரியா, அஜீரணக் கோளாறு உள்ளிட்ட பிரச்சினைகள் ஏற்படலாம்.

பாக்டீரியா தொற்றுக்கள் - மாமிசம் பழையதாகும்போதும் கெட்டுப் போனாலும் அதன்மூலம் சால்மெனெல்லோ, ஈகோலி உள்ளிட்ட பாக்டீரியா தொற்றுக்களால் பாதிக்கப்படுவார்கள்.

பலவீனம் - பழைய மற்றும் கெட்டுப்போன இறைச்சியை சாப்பிடும்பேர்து உடல் தளர்ச்சி, வயிறு வீக்கம், உடல் வலி மறறும் பலவீனம் ஆகியவையும் ஏற்படும்.

மேற்கண்ட எந்த பாதிப்பு ஏற்பட்டாலும் நீங்களாகவே ஏதாவது வீட்டு வைத்தியங்கள் செய்யாமல் மருத்துவ ஆலோசனை பெறுவது நல்லது.

இறுதியாக,

பெரும்பாலானோர் சாப்பிடும் மட்டன், சிக்கன், மீன் போன்றவற்றை மேலே சொன்ன விஷயங்களை மனதில் வைத்துக் கொண்டு தான் வாங்க வேண்டும். அதுதவிர கணவாய் உள்ளிட்ட பிற அசைவ உணவுகளும் அப்படித்தான். பெரும்பாலும் ஃபிரஷ்ஷாக நம் கண்முன் வைத்திருக்கும் இறைச்சியை வாங்குங்கள். ஃப்ரீசரில் வைத்த இறைச்சியை வாங்காதீர்கள்.