பான் கார்டுக்கு கீழே உள்ள 10 இலக்கு நம்பரின் அர்த்தம் என்ன தெரியுமா ?

பான் கார்டுகள் இன்றைய சூழலில் நமக்கு மிகவும் அவசியமான ஆவணமாகிவிட்டது. நிதி சார்ந்த பரிவர்த்தனைகளை மேற்கொள்ள வேண்டுமானால், அதற்கு இந்த பான் கார்டுகள் தேவை. பெரிய அளவிலான தொகைகளை அதாவது 50 ஆயிரம் ரூபாய்க்கும் மேலான தொகையை அனுப்புவதற்கு இந்த பான் கார்டுகள் தேவைப்படும்.

பான் கார்டு முக்கியமான அடையாள ஆவணம் ஆகும்.அதில் கார்டுதாரரின் பெயர், அவரது தந்தையின் பெயர், பிறந்த தேதி, கையொப்பம் மற்றும் பான் கார்டு எண் ஆகியவை உள்ளன. இது அட்டைதாரரின் நிதி நடவடிக்கைகளைக் கண்காணிக்கப் பயன்படும். 

ஒருவர் வங்கிக்கணக்கை துவங்குவதானாலும், இந்த பான் கார்டுகள் தேவை. பங்கு சந்தையில் முதலீடு செய்ய வேண்டுமானாலும், டிமேட் கணக்குக்கு இந்த பான் கார்கள் தேவை. கிரெடிட் கார்டு, டெபிட் கார்டு போன்ற கார்டுகளை பெற வேண்டுமானாலும், பான் கார்டு தேவை..ஒருவர், ஒன்றிற்கு மேற்பட்ட பான் கார்டுகளை வைத்திருக்க கூடாது. அப்படி வைத்திருப்பது சட்டப்படி குற்றமாகும்.. எனவே, ஒன்றுக்கும் மேற்பட்ட பான் கார்டை பயன்படுத்தவும் முடியாது. எனவே, ஒன்றிற்கு மேல் பான் கார்டுகள் இருந்தால், அதை திரும்ப ஒப்படைத்துவிட வேண்டும்.

அதேதபோல, பான் கார்டுக்கு கீழே 10 இலக்கங்கள் எழுதப்பட்டிருக்கும்.. அந்த 10 எண்களின் அர்த்தம் என்ன? தெரியுமா?

ஒவ்வொரு PAN எண்ணும் எழுத்துக்கள் மற்றும் எழுத்துக்களின் நிலையான கலவையில் 10 இலக்கங்களைக் கொண்டுள்ளது. இதில் உள்ள முதல் 5 எழுத்துகள் எப்பொழுதும் எழுத்துக்களாக இருக்கும். அதைத் தொடர்ந்து வரும் அடுத்த 4 எண் இலக்கங்கள் மற்றும் மீண்டும் ஒரு எழுத்துடன் உங்கள் பான் அட்டையின் முழுமையான அடையாள எண் முடிவடையும். இதை நாம் அனைவரும் நிச்சயமாகக் கவனித்திருப்போம்.

பான் கார்டின் முதல் 3 எழுத்துக்கள் அகரவரிசையில் இருக்கும். அதாவது, AAA முதல் ZZZ வரை இருக்கலாம். 4வது எழுத்துக்கள் வருமான வரித்துறையின் பார்வையில் நீங்கள் என்னவாக இருக்கிறீர்கள் என்பதை தெரிவிக்கிறது.. உதாரணத்துக்கு நீங்கள் ஒரு தனிநபர் என்றால், உங்கள் பான் கார்டின் 4வது எழுத்து P-என்றிருக்கும்.. சுருக்கமாக சொல்லப்போனால், வருமான வரித்துறையின் பார்வையில் நீங்கள் யார் என்பதை பான் கார்டின் நான்காவது எழுத்து சொல்கிறது.அனைத்து தனிப்பட்ட வரி செலுத்துவோருக்கும், நான்காவது எழுத்து "P" ஆகும்.உங்கள் பான் அட்டையில் உள்ள "P" என்ற எழுத்து ஒரு தனி நபரைக் குறிக்கிறது."C" என்பது நிறுவனத்தை (Company) குறிக்கிறது."H" என்பது இந்து பிரிக்கப்படாத குடும்பம் (HUF - Hindu Undivided Family) என்பதை குறிக்கிறது."A" என்பது நபர்கள் சங்கம் (AOP - Association of Persons) என்பதை குறிக்கிறது."B" என்பது தனிநபர்களின் உடல் (BOI - Body of Individuals) என்பதை குறிக்கிறது."G" என்பது அரசு நிறுவனம் (Government Agency) என்பதைக் குறிக்கிறது. "J" என்பது செயற்கை ஜூரிடிகல் நபரைக் (Artificial Juridical Person) குறிக்கிறது "L" என்பது உள்ளூர் நிர்வாகத்தை (Local Authority) குறிக்கிறது. "S" என்பது உள்ளூர் அதிகார சபையைக் குறிக்கிறது "F" என்பது நிறுவனம்/ வரையறுக்கப்பட்ட பொறுப்புக் கூட்டுறவைக் (Firm/ Limited Liability Partnership) குறிக்கிறது "T" என்பது டிரஸ்ட்டை (Trust) குறிக்கிறது

பான் கார்டு எண்ணின் 5வது எழுத்து எழுத்துக்கள், குடும்பப்பெயரின் முதல் எழுத்தாகும்.. இது முழுக்க முழுக்க பான் கார்டு வைத்திருப்பவரை மட்டுமே சார்ந்துள்ளது.ஐந்தாவது எழுத்து பான் வைத்திருப்பவரின் பெயரின் முதல் எழுத்தைக் குறிக்கிறது.

அடுத்த நான்கு எழுத்துகள் 0001 முதல் 9999 வரை இயங்கும் வரிசை எண்களாகும். உங்கள் PAN இன் கடைசி எழுத்து எப்போதும் எழுத்துக்களாகவே இருக்கும். இந்த பெயரிடும் முறைப்படி தான், ஒவ்வொரு தனி நபரின் PAN அட்டை எண்களும் உருவாக்கப்படுகிறது. ஒவ்வொரு எண்ணெழுத்தும் அதற்கான தனித்தனி அர்த்தத்துடன் செயல்படுகின்றன என்பது குறிப்பிடத்தக்கது. PAN எழுத்துக்களில் வரிசைப்படுத்தப்படுவதன் பின்னணியில் உள்ள தர்க்கத்தைப் புரிந்துகொள்வது உங்கள் PAN எண்ணை எளிதாக நினைவில் வைத்துக் கொள்ள உதவும்.