.png)
இந்த பிரச்சினை இருக்கா..? அப்போ நீங்க தர்பூசணி சாப்பிட கூடாது... வேறு யாரெல்லாம் சாப்பிட கூடாது தெரியுமா
தர்பூசணியில் ஏராளமான ஊட்டச்சத்துக்களும் ஆன்டி ஆக்சிடண்ட்டுகளும் இருக்கின்றன. அதோடு 90 சதவீதம் தண்ணீர் கொண்டது. நிறைய ஆரோக்கிய நன்மைகளைக் கொண்டதுதான்.
ஆனால் கீழ்வரும் பிரச்சினை இருப்பவர்கள் தர்பூசணியை கோடை காலமாக இருந்தாலும் தவிர்ப்பது தான் நல்லது. அது அவர்களுடைய ஏற்கனவே இருக்கும் மருத்துவ நிலைகளை மோசமானதாக மாற்றலாம்.
சளி மற்றும் இருமல் பிரச்சினை இருப்பவர்கள் தர்பூசணி சாப்பிடுவதை தவிர்ப்பது நல்லது.தர்பூசணி குளிர்ச்சித்தன்மை வாய்ந்த பழம். அதனால் இது சளி மற்றும் இருமல் அறிகுறிகளை மேலும் மோசமாக்கலாம்.அதிலும் ஏற்கனவே சுவாசப் பிரச்சினைகளை எதிர்த்துப் போராடுபவர்களாக இருந்தால் தர்பூசணி எடுத்துக் கொள்வதை நிறுத்துங்கள்.
காய்ச்சலால் அவதிப்படும் சமயங்களில் மருத்துவர்கள் நிறைய சத்துக்கள் நிறைந்த பழங்களை கொடுக்கச் சொல்வார்கள். அதிலும் உடலின் நீர்ச்சத்தை அதிகரிக்கும் பழங்கள் எடுத்துக் கொள்வது முக்கியம் தான்.காய்ச்சல் இருப்பவர்கள் தர்பூசணியை எடுத்துக் கொள்ளக் கூடாது. அது காய்ச்சலை மோசமாக்கம். காய்ச்சல் விரைவில் சரியாவது இதனால் தடுக்கப்படலாம்.
நட்ஸ், சில வகை காய்கறிகளால் எப்படி ஒவ்வாமை பிரச்சினை ஏற்படுகிறதோ அதேபோல சில வகை பழங்களாலும்கூட ஒவ்வாமை பிரச்சினை ஏற்படலாம். அதில் தர்பூசணியும் ஒன்று.அப்படி தர்பூசணியால் அழற்சி ஏற்பட்டால் அதனால் சருமத்தில் அரிப்பு, எரிச்சல் உள்ளிட்ட பிரச்சினைகள் ஏற்படும். தர்பூசணி சாப்பிட்ட பின் ஏதேனும் அசௌகரியம் உண்டாவது போல தோன்றினால் அதை சாப்பிடுவதை நிறுத்திவிடுவது நல்லது.
நீரிழிவு பிரச்சினை உள்ளவர்கள் தர்பூசணி பழத்தை எடுத்துக் கொள்ளக் கூடாது என்றும் எடுத்துக் கொள்ளலாம் என்றும் இருவுறு கருத்துக்கள் இருக்கின்றன.
தர்பூசணியில் சர்க்கரையும் அதிகம். கிளைசெமிக் குறியீடும் அதிகம். அதற்கான மொத்தமான அதை தவிர்க்க வேண்டியதில்லை. அதிலுள்ள நீர்ச்சத்து மற்றும் பிற ஊட்டச்சத்துக்களுக்காக மிதமான அளவில் எப்போதாவது ஒரு துண்டு அளவு எடுத்துக் கொள்ளலாம்.
மேற்கண்ட பிரச்சினை உள்ளவர்கள் தர்பூசணியைத் தவிர்ப்பதை போல மற்றவர்களும் தர்பூசணி சாப்பிடும்முன் சில விஷயங்களை மனதில் வைத்துக் கொள்ள வேண்டியது அவசியம். அவை
வெறும் வயிற்றில் தர்பூசணி பழங்களைச் சாப்பிடக் கூடாது. அப்படி சாப்பிடும்போது ரத்தத்தில் சர்க்கரையின் அளவை அதிகரிக்கச் செய்யும்.
எடுக்கும் அளவு - மதிய உணவு இடைவேளை அல்லது மாலை நேர ஸ்நாக்ஸ் டைமில் மிகச்சிறிய துண்டு அளவு எடுத்துக் கொள்ளலாம்.
எதோடு சேர்த்து சாப்பிடுவது - ரத்த சர்க்கரை உறிஞ்சுதலை அதிகப்படுத்தாமல் சமன்படுத்த தர்பூசணியை எப்போதும் புரதங்கள், கொழுப்பு வகைகள் (நட்ஸ், விதைகள், தயிர்) ஆகியவற்றோடு சேர்த்து எடுத்துக் கொள்ளுங்கள்.