.png)
ஆண்களுக்கு இலவச பயணம் கிடைக்குமா..?அமைச்சர் பதில்!
திருவாடனை தொகுதி காங்கிரஸ் எம்எல்ஏ கரு மாணிக்கம் சட்டப்பேரவையின் இன்றைய கூட்டத்தில் மகளிருக்கான விடியல் பயணத்தை போன்று ஆண்களுக்கும் இலவச பயணம் கிடைக்குமா என கேள்வி எழுப்பினார். அதற்கு பதில் அளித்த போக்குவரத்துத்துறை அமைச்சர் சிவசங்கர், பேருந்துகளில் ஆண்களுக்கு இலவச பயணம் குறித்த ஆர்வம் வரவேற்கத்தக்கது என்றார்.
மேலும் பெண்களின் வளர்ச்சி ஒடுக்கப்பட்ட நிலையில் உள்ளதால் அவர்களின் வளர்ச்சிக்காக இலவச பேருந்து பயணம் அறிவிக்கப்பட்டுள்ளது என்று கூறிய அமைச்சர் சிவசங்கர் வரும் காலத்தில் தமிழக அரசின் நிதி நிலைமையை பொறுத்து ஆண்களுக்கு இலவச பயணம் வழங்கப்படுமா என்பது குறித்து முடிவு செய்யப்படும் என்றார்.