தி.மு.க., பா.ம.க, நா.த.க. வேட்பாளர்கள் சொத்து விவரம்..!

இத்தேர்தலில் போட்டியிட திமுக வேட்பாளர் அன்னியூர் சிவா, பாமக வேட்பாளர் சி. அன்புமணி, நாம் தமிழர் கட்சி வேட்பாளர் மருத்துவர் அபிநயா உள்பட 56 வேட்பாளர்கள் வேட்புமனுத் தாக்கல் செய்துள்ளனர். இவர்களின் மனுக்கள் மீதான பரிசீலனை நேற்று (ஜூன் 24) நடைபெற்றது.
இந்நிலையில், திமுக வேட்பா ளர் அன்னியூர் சிவாவுக்கு ரூ.1 கோடியே 9 லட்சத்து 8 ஆயிரத்து 944-க்கும், அவரது மனைவி வனிதா பெயரில் ரூ.2 கோடியே 43 லட்சத்து 20 ஆயிரத்து 336-க்கும், மகள் ஹர்ஷதா சுடர் பெயரில் ரூ.47 லட்சத்து 30 ஆயிரத்து 733-க்கும், மகன் திரிலோக்ஹரி பெயரில் ரூ.19 லட்சத்து 58 ஆயிரத்து 317-க்கும் அசையும் சொத்துக்கள் இருப்பதாகவும் அவர் தெரிவித்துள்ளார்.
அன்னியூர் சிவா பெயரில் ரூ.90 லட்சத்து 96 ஆயிரத்துக்கும், அவரது மனைவி வனிதா பெயரில் ரூ.33 லட்சத்து 6 ஆயிரத்து 370-க்கும் அசையா சொத்துக்கள் இருப்பதாகவும், இதுதவிர வங்கி மற்றும் நிதி நிறுவனங்களில் அன்னியூர் சிவா, ரூ.1 கோடியே 28 லட்சத்து 92 ஆயிரத்து 19-ம், அவரது மனைவி பெயரில் ரூ.55 லட்சத்து 41 ஆயிரத்து 409-ம் கடன் பெற்றுள்ளதாகவும் குறிப்பிடப்பட்டுள்ளார்.
பாமக வேட்பாளர் அன்புமணிக்கு ரூ.11 லட்சத்து 61 ஆயிரத்து 187-க்கு அசையும் சொத்துக்கள் இருப்பதாகவும், ரூ.17 லட்சத்துக்கு அசையா சொத்துக்கள் இருப்பதாகவும், வங்கி, நிதி நிறுவனங்களில் ரூ.15 லட்சத்து 84 ஆயிரத்து 100 மதிப்பில் கடன் இருப்பதாகவும் அவர் தெரிவித்துள்ளார்.
அவரது மனைவி ஜெயலட்சுமி பெயரில் ரூ.16 லட்சத்து 54 ஆயிரத்து 23-க்கு அசையும் சொத்துக்கள் இருப்பதாகவும், ரூ.39 லட்சத்து 23 ஆயிரத்துக்கு அசையா சொத்துக்கள் இருப்பதாகவும், வங்கி, நிதி நிறுவனங்களில் ரூ.1 லட்சம் கடன் இருப்பதாகவும் குறிப்பிட்டுள்ளார்.
இதேபால் நாம் தமிழர் கட்சி வேட்பாளர் டாக்டர் அபிநயா பெயரில் ரூ.4 லட்சத்து 82 ஆயிரத்து 500-க்கு அசையும் சொத்துக்கள் இருப்பதாகவும், வங்கி, நிதி நிறுவனங்களில் ரூ.2 லட்சத்து 62 ஆயிரம் மதிப்பில் நகை கடன் பெற்றிருப்பதாகவும் வேட்புமனுவில் குறிப்பிட்டுள்ளார்.