தவெக தலைவர் விஜய்யை வெளுத்து வாங்கிய திண்டுக்கல் லியோனி!

பட்டிமன்ற பேச்சாளரும் திமுக நிர்வாகியுமான திண்டுக்கல் லியோனி பொள்ளாச்சியில் நடைபெற்ற திமுகவின் சாதனை விளக்கக்கூட்டத்தில் பேசியதாவது பாஜக - அதிமுக மட்டும் இல்ல இன்னும் ஆயிரம் கட்சிகள் கூட்டணி சேர்ந்தாலும் திமுக என்ற அந்த கூட்டணி பக்கத்தில் எந்த கொம்பனாலும் நிற்க முடியாது.

வெற்றி உதயசூரியனுக்கு தான். 2026ல் உதயசூரியன் தான் வெற்றி பெறும் என்றார். தொடர்ந்து புதிதாக கட்சி தொடங்கிய விஜய்யையும், தமிழக வெற்றிக் கழகம் கட்சியின் வாக்குச்சாவடி முகவர்கள் கூட்டத்தையும் மறைமுகமாக விமர்சித்தார். அப்போது பேசிய அவர், கோவையில் முகவர்கள் கூட்டம் நடத்தினார்கள்.. அதில் பேசிய கட்சியின் பொதுச் செயலாளர் தான் சொல்வதை எல்லாம் திரும்ப சொல்லுங்க என்றார்.

சொல்லிவிட்டு டிவிக டிவிக என்றார். எனக்கு எப்படி கேட்டது என்றால் டீ விக்க, டீ விக்க என்று தான் கேட்டது. 2026 ல் நீங்கள் டீ தான் விற்க போகிறீர்கள்.. கட்சித் தலைவர் முன்பு வேனில் ஏறி ஒருவன் குத்தாட்டம் போடுகிறான்.. இதற்கு பெயர் கட்சியா? இவர்கள் எல்லாம் 2026ல் ஆட்சியைப் பிடிப்போம் என்று சொல்கிறார்கள். இன்று புதிதாக கட்சி தொடங்கியவர்கள் எல்லாம் நாங்கள் திமுகவை எதிர்க்கிறோம் என்கிறார்கள்.

நெருப்போடு போர் தொடுக்கும் வீட்டில் பூச்சிகளை போல் இருக்கும் இடமெல்லாம் கருகிப் போவார்கள். 2026 இல் எங்கள் தளபதி ஸ்டாலின் தலைமையிலான கூட்டணி தான் ஆட்சி அமைக்கும்" இவ்வாறு ஆவேசமாக பேசினார் திண்டுக்கல் லியோனி. தமிழக வெற்றிக் கழகம் கட்சியின் முதல் வாக்குச்சாவடி முகவர்கள் கூட்டம் கடந்த 26 மற்றும் 27 ஆகிய தேதிகளில் கோவையில் சரவணம் பட்டியில் உள்ள தனியார் கல்லூரியில் நடைபெற்றது.

இந்தக் கூட்டத்தில் பேசிய விஜய், 2026 ல் அமையும் தங்களின் ஆட்சி சிறுவாணி நீரை போல் தூய்மையாக இருக்கும் என்றார். மேலும் இனிமேல் எந்தக் கட்சியும் பொய் சொல்லி ஏமாற்றி ஆட்சியை பிடிக்க முடியாது என்றும் அவர் கூறினார். கோவையில் திமுகவை விஜய் தாக்கி பேசிய நிலையில் தற்போது விஜய்யை தாக்கி பேசியுள்ளார் திண்டுக்கல் லியோனி.