நடிகர் அஜித்குமாருக்கு துணை முதல்வர் வாழ்த்து..!

ஸ்பெயினின் பார்சிலோனாவில் நடைபெற்ற 24 எச் சீரியஸில் கன்ஸ்ட்ரக்டர் சாம்பியன்ஸ் பிரிவில் கலந்துகொண்ட அஜித் குமார் அணியினர் 3 ஆம் இடம் பிடித்து அசத்தினர். இதற்கு துணை முதல்வர் உதயநிதி, நடிகர் அஜித் குமார் அணியினருக்கு வாழ்த்துகளும் நன்றியும் தெரிவித்துள்ளார்.

இது குறித்து துணை முதல்வர் உதயநிதி தன்னுடைய எக்ஸ் தளப் பதிவில், ”நடிகரும் - நண்பருமான அஜித்குமார் சாரின் குழு 2025-ல் ஒட்டுமொத்தமாக மூன்றாம் இடம் பிடித்தது அறிந்து மகிழ்ந்தோம். இந்த வெற்றியின் மூலம் சர்வதேச அளவில் கார் பந்தயத்தில் இந்தியாவையும் தமிழ்நாட்டையும் பெருமையடையச் செய்துள்ள அஜித் சாருக்கும்- அவருடைய குழுவினருக்கும் நம்முடைய வாழ்த்துகளைத் தெரிவித்துக் கொள்கிறோம்.

இந்த சர்வதேச போட்டியின் போது, நம்முடைய தமிழ்நாடு விளையாட்டு மேம்பாட்டு ஆணையத்தின் லோகோவை, கார் - ரேஸிங் உபகரணங்கள் மற்றும் ஜெர்சியில் பயன்படுத்தியதற்காக, தமிழ்நாடு அரசு சார்பில் நன்றி தெரிவித்து மகிழ்கிறோம். அஜித்குமார் இன்னும் பல வெற்றிகளைக் குவிக்கட்டும் என்று குறிப்பிட்டுள்ளார்.