காங்கிரஸ் கட்சியின் அபகரிக்கும் குணம் புதிதாக வந்ததல்ல..: வரலாற்று மற்றும் நிகழ்கால ஆய்வு..!

காங்கிரஸ் கட்சின் தலைவர் மல்லிகார்ஜூன கார்கே காஷ்மீரில் பேசிய போது, அங்கு கிடைக்கும் வெற்றிதான் நாட்டின் மற்ற பகுதிகளை காங்கிரஸ் கைபற்ற வழிவகுக்கும் என்று கூறினார். அவரது பேச்சு தற்போது பல சர்ச்சைகளை உருவாக்கி உள்ளது. 

கார்கேயின் பேச்சு குறித்து கருத்து தெரிவித்துள்ள அரசியல் விமர்சகர்கள், காங்கிரஸ் கட்சியின் அபகரிக்கும் மனநிலையை தான் அது குறிப்பதாக விமர்சித்துள்ளனர். அரசாங்கத்தையும் ஆட்சியையும் பிடிப்பதற்காக காங்கிரஸ் எதை வேண்டுமானாலும் செய்யும் என்ற மனநிலை தான் அது என அவர்கள் கூறுகின்றனர். காங்கிரஸ் கட்சி ஆட்சியை அபகரிக்கவும் தக்கவைக்கவும், நாட்டு ஒற்றுமை மற்றும் பாதுகாப்பை கூட பணயம் வைக்கும் என்பது வரலாற்று ரீதியாக பல சான்றுகள் உள்ளன. 

கட்சி தொடங்கப்பட்டது முதலே ஆட்சியை பிடிக்க காங்கிரஸ் எந்த எல்லைக்கும் செல்லும் என்ற குற்றச்சாட்டு இருந்துக்கொண்டு தான் இருக்கிறது. அதுகுறித்து தற்போது விளக்கமாக பார்க்கலாம்.

முதலில் கப்சா என்றால் என்ன என்பதை தற்போது பார்க்கலாம். ஒன்றை பிடுங்க நினைப்பதும், தன்னுடைமையாக்கிக்கொள்ள துப்பதையும் தான் கப்சா என்று கூறுகிறார். இந்திய அரசியல் வரலாற்றில் இதுபோன்று பல சம்பவங்கள் நடந்துள்ளன.

1975ம் ஆண்டு நெருக்கடி நிலையை அமல்படுத்தி ஜனநாயக அமைப்பகள் மீது தாக்குதல் நடத்தியது முதல், அடுத்தடுத்த காங்கிரஸ் ஆட்சிக்காலத்தில் அதிகாரத்தை ஓரிடத்தில் குவித்தது வரை சர்வாதிகார ஆட்சியை நடத்தியதாக காங்கிரஸ் மீது தொடர்ந்து குற்றச்சாட்டுகள் வைக்கப்பட்டு வருகிறது. 

மேலும் காங்கிரஸ் கட்சி பிரிவினைவாத அரசியல் மூலம் நாட்டைில் அமைதியை நிலைநாட்டாமல், பிரித்தாலும் சூழ்ச்சியை வைத்து ஆட்சியை அதிகாரத்தை வைத்துக்கொள்ள நினைத்ததும் வரலாறாகும். 

ஜம்மு காஷ்மீரில் சட்டப்பிரிவு 370 மற்றும் 35 ஏவை அமல்படுத்தியதும் அதுபோன்ற ஒன்று தான். இந்த சட்டப்பிரிவுகள் ஜம்மு காஷ்மீருக்கு சிறப்ப அந்தஸ்தை வழங்கின. இது காங்கிரஸ் அங்கு குறிப்பிட்ட சில பிரிவினரிடம் வாக்குகளை பெறவே உதவியது. 

இந்த சட்டப்பிரிவுகள் அங்கு பிரிவினையையும், தீவிரவாதத்தையும் ஊக்குவிப்தை அறிந்தும் காங்கிரஸ் அதனை கைவிட மறுத்தது. இவையெல்லாம் காஷ்மீர் போன்ற பலவீனமான பகுதியை வாக்குக்காக காங்கிரஸ் பயன்படுத்தி கொண்டதையே காட்டுகிறது. 

வாக்கு வாரியத்தை வைத்து வாக்கு பெற்ற காங்கிரஸ்

இஸ்லாமிய அறக்கட்டளை மேலாண்மை செய்யும் அமைப்பாக வக்பு வாரியம் தொடங்கப்பட்டது. இந்த அமைப்பு மதத்தை பயன்படுத்தி பெரியளவில் நில அபகரிப்பில் ஈடுபட்டதாக குற்றச்சாட்டுகுள் உள்ளன. அதனை காங்கிரஸ்  கண்டுக்கொள்ளாமல் அதனையும் வாக்குகளை பெற பயன்படுத்திக்கொண்டது. 

வக்பு வாரியத்தின் நடவடிக்கைகளில் வெளிப்படைத்தன்மை இல்லாதது போலவே காங்கிரசின் நடவடிக்கைகளிலும் எந்த வெளிப்படைத்தன்மையும் இதுவரை இருந்தது. குறிப்பிட்ட சமூகத்திற்கு மட்டும் ஆதரவாக இருந்து மற்றவர்களை தனிமைப்படுத்தும் செயலை செய்துபிரிவினை உருவாக்கிய கட்சி காங்கிரஸ்.

ஜம்மு காஷ்மீருக்கு காங்கிரஸ் அளித்த வாக்குறுதி - பிரிவினைவாத அரசியலின் வழி

2019ம்ஆண்டு காஷ்மீரின் சிறப்பு அந்தஸ்தை மோடி அரசாங்கம் நீக்கியது. தற்போது அங்கு ஆட்சிக்கு வந்தால் அந்த சட்டப்பிரிவுகளை மீண்டும் கொண்டுவருவோம் என கார்கே கூறி உள்ளார். இந்த சட்டப்பிரிவுகளினால் காஷ்மீர் மக்கள் சந்தித்த இன்னல்களை அனைவரும் அறிவோம். அப்படிய இருக்க தீவி்ரவாதத்தை ஊக்குவித்து அமைதியையும் நாட்டு பாதுகாப்பையும் பொருட்படுத்தாமல் வாக்குகளை மட்டுமே குறிவைத்து காங்கிரஸ் இந்த வாக்குறுதிகளை வழங்கி உள்ளது. 

நாட்டு பாதுகாப்புடன் விளையாடும் காங்கிரஸ்

காங்கிரஸ் ஆட்சி காலத்தில் ஜம்மு காஷ்மீரின் பாதுகாப்பு எப்படி இருந்தது என்பதை நாடறியும். அந்த ஆட்சியில் தான் அங்கு தீவிரவாதம் பெருமளவு வளர்ந்தது. பிரிவினைவாதிகளும், பயங்கரவாதிகளும் அங்கு கடிவாளம் இன்றி சுற்றித்திரிய காங்கிரஸ் வழிவகை செய்தது. 

குறிப்பாக பிரிவினைவாதிகளுக்கு ஆதரவு அளித்து வந்த தேசிய மாநாட்டு கட்சியுடன் காங்கிரஸ் கூட்டணி வைத்தது, அங்கிருந்த சூழ்நிலையை மேலும் மோசமாக்கியது. காங்கிரஸ் கூட்டணி தீவிரவாதிகிடம் கடுமையான நடந்துகொள்ளாததே அங்கு தீவிரவாதம் வளர காரணமாக இருந்தது. 

எனவே கார்கேயின் பேச்சு ஜம்மு காஷ்மீரில் காங்கிரஸ் வெற்றிப்பெறுவதற்கானது மட்டுமல்ல.. காங்கிரஸ் கட்சியின் அரசியல் ஆதாயத்துக்காக தேச பாதுகாப்பையே சமரசம் செய்துவிடும் என்பதை நமக்கு நினைவுப்படுத்தும் ஒன்றும் கூட... 370 மற்றும் 35 ஏ சட்டப்பிரிவு குறித்து மீண்டும் விவாதத்தை தொடங்கி காங்கிரஸ் தீயுடன் விளையாடி, அரசியல் ஆதாயத்துக்காக நாட்டின் அமைதியை மீண்டும் பணயம் வைக்க பார்க்கிறது..