அமெரிக்காவைச் சேர்ந்த நபர் ஒருவர், கடந்த 10 ஆண்டுகளாக அடிக்கடி வலி, தூக்கம் குறைவு, சோர்வு, மூட்டு வலி, நரம்பு பிரச்சினைகள் போன்ற கடினமான அறிகுறிகளால் பாதிக்கப்பட்டிருந்தார். அவரை பல்வேறு மருத்துவரிடம் பார்க்கச் சென்றும், ஏராளமான ரத்த பரிசோதனைகள், எம்ஆர்ஐ, ஸ்கேன் என அனைத்தையும் செய்தும், யாரும் தெளிவான காரணம் சொல்ல முடியவில்லை.

இதனால் மிகவும் அவல மனநிலையிலும் நம்பிக்கையற்ற நிலையிலும் இருந்த அந்த நபர், தனது அறிகுறிகள் பட்டியலை சாட்ஜிபிடிக்கு எழுதி தெரிவித்தார். அதற்கு சாட்ஜிபிடி சொன்ன பதில் அவரையும் அவரது குடும்பத்தினரையும் அதிர்ச்சியில் ஆழ்த்தியது.

சாட் ஜிபிடி சுட்டிக்காட்டியது என்ன தெரியுமா?

அந்த நபர் சாட் ஜிபிடி கூறிய மரபணு சோதனை செய்ய மருத்துவரிடம் கேட்டார். சோதனை முடிவுகள் ஏஐ சொன்னதை உறுதிபடுத்தின. இவருக்கு உண்மையாகவே மாற்றம் இருந்தது. அதைத் தொடர்ந்து மருத்துவர் அவருக்கு பீ12, ஃபோலிக் ஆசிட் வகை சப்ளிமெண்ட்கள் மற்றும் குறிப்பிட்ட டயட் திட்டம் வகுத்து அளித்தார். சில மாதங்களில் அவருடைய பல வருட வலிகள், சோர்வு மற்றும் நரம்பு பிரச்சினைகள் கணிசமாகக் குறைந்துவிட்டன என்று அவர் கூறுகிறார்.

அந்த நபர் இந்த அனுபவத்தை ரெட்டிட் எனப்படும் இணையதளத்தில் பகிர்ந்தார். “10 ஆண்டு ஆகியும் கண்டுபிடிக்காத டாக்டர். சாட் ஜிபிடி ஒரு நிமிடத்தில் முடித்தது” என்ற தலைப்பில் பகிர்ந்த பதிவு ஆயிரக்கணக்கான முறையில் விருப்பங்கள் பெற்று வைரலானது. பலரும் அதைப் படித்து, அவர்களும் ஏஐ-ஐ சுயமாக மருத்துவ ஆலோசனையில் பயன் படுத்திய அனுபவங்களைப் பகிர்ந்தனர்.

இதுகுறித்து மருத்துவர்கள் கூறுகையில், மருத்துவ தகவலை ஆராய்ந்து முன் கணிப்பு வழங்க முடியும். நோயின் சாத்தியமான காரணங்களை பரிந்துரை செய்யலாம். ஆனால், சுயமாக தீர்வு அல்லது சிகிச்சை அளிக்க இயலாது என்கின்றனா்.