எக்ஸ்பிரஸ் ரயில் சேவையில் மாற்றம்..!

 தாம்பரம் ரயில் நிலையத்தில் நடக்கும் பணிகளால் ரயில் ரத்து, பகுதியாக ரத்து, வழித்தட மாற்றங்கள் விவரம் குறித்து தெற்கு ரயில்வே அறிவிப்பை வெளியிட்டுள்ளது.  அதன்படி ஆகஸ்ட் 15ம் தேதி  சென்னை – செங்கோட்டை பொதிகை (12661) ரயில் விழுப்புரத்துக்கு 30 நிமிடம் தாமதமாக செல்லும். ஆகஸ்ட் 16 மற்றும் 17ம் தேதி  பொதிகை ரயில் (12661) விரைவு ரயில் சென்னைக்கு பதிலாக செங்கல்பட்டிலிருந்து செங்கோட்டைக்கு புறப்படும். ஆகஸ்ட் 14 முதல் 17 வரை செங்கோட்டையிலிருந்து கிளம்பும் ரயில் செங்கல்பட்டு வரை மட்டுமே செல்லும்.

ஆகஸ்ட்16ம் தேதி சென்னை – செங்கோட்டை (20681) சிலம்பு ரயில் விழுப்புரத்துக்கு அரைமணி நேரம்  தாமதமாக சென்றடையும். ஆகஸ்ட் 17ம் தேதி சிலம்பு விரைவு ரயில் (20681) சென்னை செங்கோட்டை இடையே முழுமையாக ரத்து செய்யப்படும். அதே போல் சென்னை – கொல்லம் விரைவு ரயில் ஆகஸ்ட் 15, 16 மற்றும் 17 தேதிகளில் சென்னையில் இருந்து புறப்பட்டு விழுப்புரத்திற்கு 30 நிமிடங்கள் தாமதமாக வந்து சேரும்.  கொல்லம்-சென்னை விரைவு ரயில்: ஆகஸ்ட் 17ம் தேதி கொல்லத்தில் இருந்து புறப்படும் ரயில் செங்கல்பட்டு, காஞ்சிபுரம் வழியாக சென்னை எழும்பூர் செல்லும். தாம்பரம் செல்லாது என தெரிவிக்கப்பட்டுள்ளது.