#BREAKING : விடாமுயற்சி படத்தின் கலை இயக்குனர் திடீர் மரணம்... சோகத்தில் படக்குழு ..!

மகிழ்திருமேனி இயக்கத்தில் நடிகர் அஜித் நடிக்கும் ‘விடாமுயற்சி’ படத்தின் படப்பிடிப்பு சமீபத்தில் அஜர்பைஜான் நாட்டில் தொடங்கியது. இதில் நடிகை த்ரிஷா கதாநாயகியாக நடிக்கிறார். நீண்ட நாட்களாக இப்படத்தின் அப்டேட் கேட்டு வந்த அஜித் ரசிகர்களுக்கு தற்போது படப்பிடிப்பு அஜர்பைஜானில் தொடங்கியிருப்பது மிகுந்த மகிழ்ச்சியை ஏற்படுத்தியுள்ளது.

இந்த நிலையில் இன்று (அக்.,15) காலை முதல் படப்பிடிப்பு நடைபெற்று வந்த நிலையில், கலை இயக்குனர் மிளன், திடீரென மாரடைப்பால் உயிரிழந்தார். அஜித்தின் பேவரைட் கலை இயக்குனர் என கருதப்படும் மிளன் உயிரிழந்த தகவலால், படக்குழு சோகத்தில் ஆழ்ந்துள்ளது.

2006-ஆம் ஆண்டு வெளியான கலாபக் காதலன் திரைப்படத்தின் மூலம் கலை இயக்குனராக அறிமுகமானவர் மிலன். இவர் வேலாயுதம், வீரம், அண்ணாத்த உள்ளிட்ட பல படங்களில் கலை இயக்குனராக பணியாற்றியுள்ளார்.

இன்று அதிகாலை மிலன் நெஞ்சு வலிப்பதாக கூறியுள்ளார். இதைத்தொடர்ந்து அருகில் இருந்தவர்கள் அவரை மருத்துவமனைக்கு கொண்டு சென்றுள்ளனர். ஆனால், பாதிவழியிலேயே மிலன் உயிர் பிரிந்துள்ளது. இவரது மறைவு திரைத்துறையில் சோகத்தை ஏற்படுத்தியுள்ளது..