#BREAKING : ரயில் நிலையத்தில் அலறல் சத்தம்..கூட்ட நெரிசல்..! பறிபோன 15 உயிர்..!

பிரயாக்ராஜ் செல்லும் இரண்டு ரயில்கள் ரத்து செய்யப்பட்டதால் கூட்ட நெரிசல் ஏற்பட்டதாக தகவல்கள் தெரிவிக்கின்றன. நான்கு தீயணைப்பு வண்டிகளில் மீட்புப்பணி நடந்து வருகிறது. நெரிசலில் காயம் அடைந்தவர்கள் மருத்துவமனைக்கு அனுப்பி வைக்கப்பட்டுள்ளனர்.

ஆயிரக்கணக்கான மகா கும்பமேளா பக்தர்கள் 14 மற்றும் 15வது நடைமேடைகளில் கூடியதால் கூட்டம் அதிகமாக இருந்தது. சிறப்பு ரயில் அறிவிக்கப்பட்ட 15-20 நிமிடங்களுக்குள் நிலைமை மோசமடைந்ததாகவும், இதனால் கூட்ட நெரிசல் ஏற்பட்டதாகவும் அதிகாரிகள் தெரிவித்தனர்.

மத்திய ரயில்வே அமைச்சர் அஸ்வினி வைஷ்ணவ் உயர்மட்ட விசாரணைக்கு உத்தரவிட்டு, நிலைமை தற்போது கட்டுக்குள் இருப்பதாக உறுதியளித்தார்.

பிரயாக்ராஜ் எக்ஸ்பிரஸ் ரயில் 14வது நடைமேடையில் வந்தபோது, ஏராளமான மக்கள் கூடியிருந்தனர். சுதந்திர சேனானி எக்ஸ்பிரஸ் மற்றும் புவனேஸ்வர் ராஜ்தானி ரயில்களில் ஏற்பட்ட தாமதத்தால், 12, 13 மற்றும் 14வது நடைமேடைகளில் கூட்டம் அதிகரித்தது. சுமார் 1,500 பொது டிக்கெட்டுகள் விற்கப்பட்டன, இதனால் கூட்ட நெரிசல் கட்டுப்படுத்த முடியாததாக மாறியது. இதனால் 14வது நடைமேடை மற்றும் 1வது நடைமேடையில் உள்ள எஸ்கலேட்டர் அருகே கூட்ட நெரிசல் ஏற்பட்டது" என்று துணை காவல் ஆணையர் (ரயில்வே) கே.பி.எஸ். மல்ஹோத்ரா மேலும் விவரங்களுக்கு விளக்கினார்

காயமடைந்தவர்கள் மருத்துவமனைக்கு கொண்டு செல்லப்பட்டதை ரயில்வே அமைச்சகமும் உறுதிப்படுத்தியது.

"இது ஒரு துரதிர்ஷ்டவசமான மற்றும் துயரமான சம்பவம். பாதிக்கப்பட்டவர்களின் குடும்பங்களுக்கு எனது ஆழ்ந்த இரங்கலைத் தெரிவித்துக் கொள்கிறேன். உடனடி நடவடிக்கை மற்றும் ஆதரவை உறுதி செய்வதற்காக தலைமைச் செயலாளர் மற்றும் காவல் ஆணையரிடம் பேசியுள்ளேன்" என்று டெல்லி துணைநிலை ஆளுநர் வி.கே. சக்சேனா வருத்தம் தெரிவித்தார்.