இந்தியாவின் சுஜீத் கல்கல் ஹங்கேரியின் புடாபெஸ்டில் நடைபெற்ற பாலியாக் இம்ரே & வர்கா ஜானோஸ் நினைவு போட்டியில், 65 கிலோ ஆண்கள் ஃப்ரீஸ்டைல் பிரிவில் தங்கப் பதக்கத்தை வென்றார்.

உலக சாம்பியன்ஷிப் 70 கிலோ எடைப் பிரிவில் 23 வயதுக்குட்பட்டோருக்கான வெண்கலப் பதக்கம் வென்றவரான சுஜீத், முதல் சுற்றில் பாரிஸ் ஒலிம்பிக்கில் வெண்கலப் பதக்கம் வென்ற அல்பேனிய இஸ்லாம் டுடேவை 11-0 என்ற கணக்கில் தோற்கடித்தார். காலிறுதியில் ஐரோப்பிய வெள்ளிப் பதக்கம் வென்ற பிரெஞ்சு வீரர் கம்சாத் அர்சமெர்சோவ்வை 11-0 என்ற கணக்கில் தோற்கடித்தார். அரையிறுதியில் இரண்டு முறை ஒலிம்பியன் மற்றும் 2023 உலக சாம்பியன்ஷிப் வெண்கலப் பதக்கம் வென்ற ஆர்மேனிய வாஸ்ஜென் டெவன்யனை 6-1 என்ற கணக்கில் தோற்கடித்தார்.

 23 வயதுக்குட்பட்டோருக்கான ஆசியப் பட்டத்தை வென்ற பிறகு, இந்த ஆண்டின் இரண்டாவது தங்கப் பதக்கத்தைப் பெற்றார்  சுஜீத்.ரஹிம்சாடேவுக்கு எதிரான ஆட்டத்தில் இடைவேளையில் 1-0 என பின்தங்கிய நிலையில் இருந்த சுஜீத், இரண்டாவது காலகட்டத்தின் தொடக்கத்தில் அழுத்தத்தைப் பயன்படுத்தி ஐந்து புள்ளிகளைப் பெற்று அசத்தலான வெற்றியைப் பெற்றார்.மூன்று ஆண்டுகளுக்கு முன்பு துனிசியாவில் வென்றதற்குப் பிறகு, இது சுஜீத்தின் இரண்டாவது தரவரிசைத் தொடர் தங்கமாகும்.