#BREAKING : தமிழகத்தில் மின் கட்டணம் உயர்வு..!

தமிழகத்தில் பெரிய தொழில், வணிக நிறுவனங்களுக்கு 3.16% புதிய மின் கட்டண உயர்வு ஜூலை 1-ம் தேதி முதல் அமல்.

தமிழ்நாட்டில் வரும் 1ம் தேதி முதல் மின் கட்டணம் உயர்த்தப்படுவதாக தகவல் வெளியாகியிருந்தது. இந்நிலையில் அமைச்சர் சிவசங்கர் இதுகுறித்து அதிகாரப்பூர்வ அறிவிப்பை வெளியிட்டுள்ளார். அதில், 'பெரிய தொழில் மற்றும் பெரு வணிக நிறுவனங்களுக்கு 3.16 %க்கு மிகாமல் மின் கட்டணம் உயர்த்தப்படும், 

வீட்டு மின் இணைப்புகள் மற்றும் சிறு வணிக நிறுவனங்களுக்கு எந்தவித கட்டண உயர்வும் இல்லை" என குறிப்பிடப்பட்டுள்ளது.

இது குறித்து அறிவிப்பு வெளியிட்டுள்ள அமைச்சர் சிவசங்கர், "பெரிய தொழில் மற்றும் பெரிய வணிக நிறுவனங்களுக்கு தமிழ்நாடு மின்சார ஒழுங்குமுறை ஆணையம் நிர்ணயித்துள்ளவாறு 3.16%-க்கு மிகாமல் மின்கட்டணம் உயர்த்தப்படுகிறது.

வீடுகளுக்கு மின்கட்டணம் உயர்த்தப்பட்டபோதிலும் அதனை அரசே ஏற்கும். அதேபோல் சிறு, குறு நிறுவனங்களுக்கு உயர்த்தப்பட்ட மின் கட்டணத்தையும் அரசே ஏற்கும். புதிய மின் கட்டண உயர்வு நாளை (ஜூலை 01) முதல் அமலுக்கு வரும்” எனத் தெரிவித்துள்ளார்.