#BREAKING : சென்னை அடையாறு ஆற்றில் வெள்ளம் - 8,000 கனஅடிநீர் வெளியேற்றம்..!

வங்க கடலில் உருவாகியுள்ள ஃபெஞ்சல் புயல் இன்று மாலை மாமல்லபுரம் - காரைக்கால் இடையே கரையை கடக்கும் என இந்திய வானிலை மையம் அறிவித்துள்ளது. இதன்காரணமாக நேற்று இரவு முதல் சென்னை மற்றும் புறநகர் பகுதிகளில் பலத்த காற்றுடன் தொடர்ந்து இடைவிடாமல் கனமழை பெய்து வருகிறது.

அதே போல தாம்பரம், பெருங்களத்தூர், வண்டலூர் முடிச்சூர், மண்ணிவாக்கம் உள்ளிட்ட புறநகர் பகுதிகளிலும் அதன் சுற்றுவட்டார பகுதிகளில் பலத்த காற்றுடன் தொடர்ந்து கனமழை பெய்து வருகிறது, இதனால் புறநகரில் உள்ள பல்வேறு குடியிருப்பு பகுதிகளில் மழை நீர் சூழ்ந்துள்ளது. பெரும்பாலான சாலைகளிலும் மழைநீர் பெருக்கெடுத்து ஓடுகிறது. மேலும் தாழ்வான பகுதிகள் குடியிருப்புகளில் மழைநீர் சூழ்ந்து பொதுமக்கள் பாதிப்புக்கு உள்ளாகி வருகின்றனர்.

முடிச்சூர் சுற்றுவட்டார பகுதியில் ஆங்காங்கே குடியிருப்பு பகுதிகளில் மழைநீர் தேங்கி உள்ளது. இதனால் சில குடியிருப்பு வாசிகள் வீட்டை விட்டு வெளியே வர முடியாமல் வீட்டிலேயே முடங்கியுள்ளனர். மேலும், நீர் பிடிப்பு பகுதிகளில் பெய்து வரும் தொடர் கனமழை காரணமாக அடையாறு ஆற்றில் வெள்ளம் பெருக்கெடுத்து ஓடுகிறது.

அடையாறு ஆற்றில் பாய்ந்தோடும் 8,000 கனஅடி நீர்.கனமழையால் அடையாறு ஆற்றில் 8 ஆயிரம் கன அடி வெள்ள நீர் செல்கிறது அடையாறு ஆற்றில் செல்லும் வெள்ளநீர், சென்னை விமான நிலைய ஓடுபாதையில் புகுந்தது​

 ஆற்றின் கரையோரம் வசிக்கும் மக்களை அப்புறப்படுத்தி பாதுகாப்பாக தங்க வைக்க வேண்டும் என்றும், கரையோரங்களில் உடைப்பு ஏற்படாமல் தடுக்க மணல் மூட்டைகளை அடுக்கி வைக்க வேண்டும் என்றும் அடையாறு கரையோரம் வசிக்கும் மக்கள் கேடடுக் கொண்டுள்ளனர்.