11-ம் வகுப்பு பொதுத்தேர்வு முடிவுகள் வெளியீடு.. 92.09% மாணவர்கள் தேர்ச்சி.

இந்தாண்டு மொத்தம் 8,07,098 மாணவர்கள் தேர்வெழுதிய நிலையில், 7,43,232 மாணவர்கள் தேர்ச்சி பெற்றுள்ளனர். இது 92.09% தேர்ச்சி ஆகும்.

மாணவர்கள்3,39,283 (88.70 %)

மாணவிகள்4,03,949 (95.13 %)

மொத்தம்7,43,232 (92.09%)

தமிழ்நாடு 11-ம் வகுப்பு பொதுத்தேர்வில் மாணவர்களை காட்டிலும் மாணவிகள் 6.43% அதிகம் தேர்ச்சி பெற்றுள்ளனர்.

11-ம் வகுப்பில் மாற்றுத்திறனாளிகள் 9,205 தேர்வெழுதிய நிலையில், 8,460 பேர் தேர்ச்சி பெற்றுள்ளனர். இது 91.91% தேர்ச்சி பெற்றுள்ளனர்.

கடந்த 2023-ம் ஆண்டில் தேர்ச்சி சதவீதம் 90.93 இருந்த நிலையில், 2024-ம் ஆண்டு 91.17 % பேர் தேர்ச்சி பெற்றனர். இந்நிலையில், இந்தாண்டு அதை விட 0.92% கூடுதலாக தேர்ச்சி பெற்றுள்ளனர்.

11-ம் வகுப்பு பொதுத்தேர்வில் முடிவுகளில் 97.76 % தேர்ச்சியுடன் அரியலூர் முதலிடத்தில் உள்ளது.

ஈரோடு- 96.97 %

விருதுநகர்- 96.23 %

கோயம்புத்தூர் ] 95.77 %

தூத்துக்குடி - 95.07 %

ஆகிய மாவட்டங்கள் அடுத்தடுத்து உள்ளன.

கடந்த ஆண்டு கோயம்புத்தூர் மாவட்டம் 96.02% தேர்ச்சியுடன் முதலிடம் பிடித்த நிலையில், இந்தாண்டு 95.77 % தேர்ச்சியுடன் 4வது இடத்திற்கு தள்ளப்பட்டுள்ளது.

11-ம் வகுப்பு பொதுத்தேர்வில் 85.88% தேர்ச்சியுடன் வேலூர் மாவட்டம் கடைசி இடத்தை பெற்றுள்ளது. இதையடுத்து, ராணிப்பேட்டை - 86.95%, திருவள்ளூர் - 87.39%, புதுக்கோட்டை - 87.80%, காஞ்சிபுரம் - 88.18% ஆகிய மாவட்டங்கள் கடைசி இடத்தை பெற்றுள்ளன.

11-ம் வகுப்பு பொதுத்தேர்வில் கணினி அறிவியல் பாடத்தில் 3,535 முழு மதிப்பெண்கள் பெற்றுள்ளனர். கணிதம் பாடத்தில் 1,338 பேர், வணிகவியல் பாடத்தில் 806, கணினிப் பயன்பாடுகள் பாடத்தில் 761 மற்றும் வேதியியல் பாடத்தில் 593 என அதிக பேர் முழு மதிப்பெண்கள் பெற்ற முதல் 5 இடத்தை பிடித்த பாடங்கள் இவை ஆகும்.

தமிழ்நாட்டில் மேல்நிலைப் பள்ளிகளின் எண்ணிக்கை 7,558 ஆகும். இதில் 2,042 பள்ளிகள் 100% தேர்ச்சி பெற்றுள்ளன. மேலும், இதில் 282 அரசு பள்ளிகள் 100% தேர்ச்சி பெற்று அசத்தியுள்ளன.