சென்னை தனியார் பள்ளிக்கு வெடிகுண்டு மிரட்டல்..!

சென்னை ஜெ ஜெ நகர் டிவிஎஸ் நிழற்சாலையில் செயல்பட்டு வரும் தனியார் பள்ளிக்கு வெடிகுண்டு மிரட்டல் மின்னஞ்சல் மூலம் வந்துள்ளது. அந்த மிரட்டலை தொடர்ந்து போலீசார் மற்றும் வெடிகுண்டு நிபுணர்கள் சம்பவ இடத்திற்கு சென்று பார்த்த பொழுது வெடிகுண்டுகள் எதுவும் கிடைக்காததால் வெடிகுண்டு மிரட்டல் புரளி என்பது தெரியவந்தது.

கடந்த ஆகஸ்ட் மாதம் சென்னையில் பல பள்ளிகளுக்கு வெடிகுண்டு மிரட்டல் வந்த நிலையில் செட்டிநாடு வித்தியாஷாரம் பள்ளிக்கு 9 வது முறை வெடிகுண்டு மிரட்டல் விடுக்கப்பட்டது குறிப்பிடத்தக்கது 

இதுபோல ஆகஸ்ட் மற்றும் செப்டம்பர் முதல் வாரத்தில் இருந்து தொடர்ந்து வெடிகுண்டு மிரட்டல் வந்த சம்பவம் அதிர்ச்சியை ஏற்படுத்திய நிலையில் இன்று மீண்டும் தனியார் பள்ளிக்கு வெடிகுண்டு மிரட்டல் விடுக்கப்பட்ட சம்பவம் பெரும் அதிர்ச்சியை ஏற்படுத்தி உள்ளது.

அடிக்கடி வெடிகுண்டு மிரட்டல் வருவதினால் பள்ளிக்கு குழந்தைகளை அனுப்ப பெற்றோர்கள் அச்சம் தெரிவித்து வருகின்றனர் உடனடியாக நடவடிக்கை எடுக்க வேண்டும் எனவும் கோரிக்கை வைத்து வருவது குறிப்பிடத்தக்கது.