பெங்களூரு முழுவதும் 40 தனியார் பள்ளிகளுக்கு வெடிகுண்டு மிரட்டல் மின்னஞ்சல்கள் வந்ததால் பெரும் பரபரப்பு ஏற்பட்டுள்ளது.,ராஜராஜேஸ்வரி நகர் மற்றும் கெங்கேரி உள்ளிட்ட பல்வேறு பகுதிகளில் உள்ள பள்ளிகள் அநாமதேய செய்திகளால் குறிவைக்கப்பட்டவைகளில் அடங்கும்.

மிரட்டல் பெறப்பட்ட 23 பள்ளிகளில் காவல்துறை, தீயணைப்புத் துறை மற்றும் வெடிகுண்டு செயலிழப்பு துறை ஆகியவை தேடுதல் பணிகளில் இறங்கியுள்ளன.

"பள்ளியின் உள்ளே குண்டுகள்" என்ற தலைப்பில் உள்ள இந்த மின்னஞ்சல், roadkill 333@atomicmail.io என்ற ஐடியிலிருந்து பல நிறுவனங்களுக்கு அனுப்பப்பட்டதாகக் கூறப்படுகிறது. வகுப்பறைகளில் டிரினிட்ரோடோலுயீன் (TNT) கொண்ட பல வெடிக்கும் சாதனங்களை வைத்ததாக மிரட்டல் வந்துள்ளது. 

வெடிபொருட்கள் கருப்பு பிளாஸ்டிக் பைகளில் திறமையாக மறைத்து வைக்கப்பட்டுள்ளன. இந்த உலகத்திலிருந்து உங்கள் அனைவரையும் நான் அழித்துவிடுவேன். ஒரு ஆன்மா கூட உயிர் பிழைக்காது.  "நீங்கள் அனைவரும் துன்பப்படுவதற்குத் தகுதியானவர்கள். நான் உண்மையிலேயே என் வாழ்க்கையை வெறுக்கிறேன். இந்த செய்தியை பார்த்த பிறகுஎன் தொண்டையை அறுத்து, என் மணிக்கட்டை அறுத்து நான் தற்கொலை செய்து கொள்வேன். எனக்கு ஒருபோதும் உண்மையிலேயே உதவி கிடைக்கவில்லை, மனநல மருத்துவர்கள், உளவியலாளர்கள், யாரும் இதுவரை என்மீது அக்கறை கொள்ளவில்லை, யாரும் எனக்காக கவலைப்பட மாட்டார்கள். மனநல மருந்துகள் உதவும் என்று மக்களை மூளைச் சலவை செய்கிறீர்கள். ஆனால் அவை உதவுவதில்லை, இதற்கு நான் வாழும் சாட்சி. எனவே என்னைப் போலவே நீங்களும் துன்பப்படுவதற்குத் தகுதியானவர்கள் . தயவுசெய்து செய்தியின் நகலை பத்திரிகை/ஊடகங்களுக்கு கொடுங்கள்."”என்று தெரிவித்துள்ளது