பெங்களூரூதான் ஹாட் ஸ்பாட் - தமிழ்நாடு வெதர்மேன்..!

மழை குறித்து அறிவிப்புகளை துல்லியமாக கூறி வரும் தமிழ்நாடு வெதர்மேன் பிரதீப் ஜான், மழை குறித்த அறிவிப்பை வெளியிட்டுள்ளார்.

இதுதொடர்பான அவரது ட்வீட்டர் பதிவில், தமிழ்நாடு மற்றும் கேரளாவில் இன்றும் நாளையும் பரவலாக மழை பெய்யும். கொங்கு மேற்கு, தென் தமிழகத்தின் உள் மாவட்டங்கள், வட தமிழகத்தின் உள் மாவட்டங்களிலும் பரவலாக மழை பெய்யும் என தெரிவித்துள்ளார். மேலும் தென் தமிழகத்தின் கன்னியாகுமரி, ராமநாதபுரம், தூத்துக்குடி ஆகிய மாவட்டங்களிலும் மழை பெய்யும் என தமிழ்நாடு வெதர்மேன் பிரதீப் ஜான் தெரிவித்துள்ளார்.

இதேபோல் பெங்களூருதான் ஹாட் ஸ்பாட்டாக இருக்கும் என்றும் இன்னும் ஒரு நாள் பெங்களூருக்கு நல்ல மழை கிடைக்கும், அதன் பிறகு நீண்ட இடைவெளி இருக்கும் என்றும் தமிழ்நாடு வெதர்மேன் பிரதீப் ஜான் தெரிவித்துள்ளார். இதனிடையே தமிழகத்தில் நீலகிரி, கோவை, ஈரோடு, திருப்பூர், சேலம், நாமக்கல், திண்டுக்கல் உள்ளிட்ட 14 மாவட்டங்களில் இன்று கனமழை பெய்ய வாய்ப்புள்ளதாக வானிலை மையம் தெரிவித்துள்ளது.

நாளையும் நீலகிரி, கோவை, ஈரோடு, சேலம், கிருஷ்ணகிரி, தருமபுரி, திருப்பத்தூர், கள்ளக்குறிச்சி மற்றும் திருவண்ணாமலை ஆகிய 9 மாவட்டங்களில் மிக கனமழை பெய்யும் என வானிலை மையம் அறிவுறுத்தியுள்ளது குறிப்பிடத்தக்கது