அனைத்து பள்ளிகளுக்கும் ஆகஸ்ட் 26 விடுமுறை..!

புதுச்சேரியில் எல்.டி.சி, ஸ்டோர் கீப்பர் நிலை-3 ஆகிய பணிகளுக்கான காலி இடங்களை நிரப்ப எழுத்து தேர்வு வருகிற ஆகஸ்ட் 27 ஆம் தேதி (ஞாயிற்றுக்கிழமை) நடைபெற இருக்கிறது. இந்த தேர்வானது 4 பிராந்தியங்களில் பணியாளர் மற்றும் நிர்வாக சீர்திருத்த துறையால் தேர்வு செய்யப்பட்ட பள்ளிகளில் நடைபெற இருக்கிறது. மேலும் தேர்வுக்கான முன்னேற்பாடுகள் ஆகஸ்ட் 26 ஆம் தேதி (சனிக்கிழமை) நடைபெற இருக்கிறது.

அதனால் புதுச்சேரி, காரைக்கால், மாஹே, ஏனாம் ஆகிய பகுதிகளில் அனைத்து பள்ளிகளுக்கும் ஆகஸ்ட் 26 ஆம் தேதி விடுமுறை விடப்பட்டுள்ளதாக பள்ளிக்கல்வித்துறை சுற்றறிக்கை அனுப்பி இருக்கிறது. மேலும் நடைபெறும் இந்த எழுத்து தேர்வு எந்தவித அசம்பாவிதமும் இல்லாமல் நல்ல முறையில் நடைபெற பள்ளி முதல்வர்கள் உதவி செய்ய வேண்டும் என அறிவுறுத்தப்பட்டுள்ளது.