கிரில் சிக்கன் சாப்பிட்ட குழந்தைகள் உட்பட 22 பேர் மருத்துவமனையில் அனுமதி..!

கிரில்டு சிக்கன் மற்றும் தந்தூரி சிக்கன் சாப்பிட்ட 22 பேருக்கு வாந்தி, வயிற்று வலி மற்றும் உடல்நலப் பிரச்சினைகள் ஏற்பட்டுள்ளன.

மதுரை அருகே சோழவந்தானில் கூடைப்பந்து விளையாட வந்த பிரசன்னா, தனது 10 நண்பர்களுடன் இந்த உணவகத்தில் இருந்து கோழி இறைச்சியை வாங்கியதாக தெரிவிக்கப்பட்டுள்ளது. உடல்நலக் குறைவு காரணமாக அவர்களும் மருத்துவமனையில் அனுமதிக்கப்பட்டுள்ளனர். பாதிக்கப்பட்டவர்கள் சோழவந்தான் அரசு மருத்துவமனை மற்றும் மதுரையில் உள்ள சில தனியார் மருத்துவமனைகளில் சிகிச்சை பெற்று வருகின்றனர்.

இந்த சம்பவம் தொடர்பான புகாரைத் தொடர்ந்து, உணவு பாதுகாப்பு அதிகாரிகள் சம்பந்தப்பட்ட உணவகத்தை ஆய்வு செய்தனர். உணவகத்தில் இருந்து கோழி இறைச்சி மற்றும் உணவுப் பொருட்கள் பறிமுதல் செய்யப்பட்டு சோதனைக்கு அனுப்பப்பட்டுள்ளன.