பாஜக மாநில பொதுச் செயலாளர் ஏ.பி.முருகானந்தம் மற்றும் அவரது தந்தைக்கு பிடிவாரண்ட்..!

கோவை மாவட்டம் மதுக்கரை அடுத்த சாவடிபுதூர் பகுதியை சேர்ந்தவர் சுந்தரசாமி. இவரது மகள் ஞான சௌந்தரிக்கும், பாஜக மாநில பொதுச் செயலாளர் ஏ.பி முருகானந்தத்திற்கும் கடந்த 2014 ஆம் ஆண்டு திருமணம் நடைபெற்றது. இந்த திருமணத்திற்காக சுந்தர சாமி ஒன்றரை ஏக்கர் விவசாய நிலம், 60 சவரன் தங்க நகைகள், 10 லட்சம் வீட்டு உபயோக பொருள்களை சீதனமாக வாங்கி கொடுத்து உள்ளார்.

சில மாதங்களில் ஞான செளந்தரி உயிரிழந்த நிலையில், சீதனமாக வழங்கிய பொருட்களை திரும்ப ஒப்படைக்கோரி பெண்ணின் தந்தை நீதிமன்றத்தில் வழக்கு தொடுத்தார்.

முருகானந்தம் மீது 2016ம் ஆண்டு வரதட்சணை மோசடி வழக்கு பதிவு செய்யப்பட்டது. வழக்கில் பல முறை விசாரணைக்கு ஆஜராகவில்லை. இதனால் பாஜக மாநில பொதுச் செயலாளர் ஏ.பி. முருகானந்தத்தம் மற்றும் அவரது தனத்திற்கு கைது வாரண்ட் பிறப்பித்து கோவை கூடுதல் மகளிர் நீதிமன்றம் உத்தரவிட்டுள்ளது. அதன்படி வரும் 27ம் தேதி முருகானந்தத்தை ஆஜர்படுத்த காவல்துறைக்கு நீதிபதி உத்தரவிட்டுள்ளார்.

சீர்வரிசை சீதன மோசடி வழக்கில் விசாரணைக்கு ஆஜராகாத பாஜக மாநில பொதுச் செயலாளர் ஏ.பி.முருகானந்தத்தம் மற்றும் அவரது தந்தைக்கு பிடிவாரண்ட் பிறப்பித்து கூடுதல் மகிளா நீதிமன்றம் உத்தரவிட்டுள்ளது.