பொங்கலுக்கு ஊருக்கு போறீங்களா ? தமிழகத்தில் 14 ஆயிரத்து 104 சிறப்பு பேருந்துகள் இயக்க முடிவு!

கிளாம்பாக்கம், கோயம்பேடு, மாதவரம் மையத்தில் இருந்து சிறப்பு பேருந்துகள்
வருகின்ற 10 11 12 13 ஆகிய நாட்களுக்கு 14 ஆயிரத்து 104 பேருந்துகள் இயக்க முடிவு செய்யப்பட்டுள்ளது.
கிளாம்பாக்கம், கோயம்பேடு, மாதவரம் மையத்தில் இருந்து சிறப்பு பேருந்துகள் இயக்கப்படுகிறது. 10-13- ந்தேதிகளில் வழக்கமாக இயக்கப்படும், 8 ஆயிரத்து 368 பேருந்துகளுடன் சேர்த்து கூடுதலாக 5 ஆயிரத்து 736 பேருந்துகள் இயக்கப்பட இருக்கின்றன.

தினசரி பேருந்துகள் உடன் 14 ஆயிரம் பேருந்துகள்
ஆலோசனை நிறைவடைந்ததைத் தொடர்ந்து அமைச்சர் சிவசங்கர் செய்தியாளர் சந்திப்பில் கூறியதாவது:-
முதல்வர் வழிகாட்டுதல்படி இன்று ஆலோசனை நடைபெற்றது. வரும் 10 ம் தேதி முதல் 13 வரை இயக்கப்படுகிறது. தினசரி பேருந்துகள் உடன் 14 ஆயிரம் பேருந்துகள் சென்னையில் இருந்து இயக்கம். பண்டிகை முடிந்து சென்னை திரும்ப 15 முதல் 19 ஆம் தேதி வரை சிறப்பு பேருந்துகள் இயக்கப்படும்.

22 ஆயிரத்து 676 பேருந்துகள் இயக்க திட்டம்
1 லட்சத்து 73 ஆயிரம் பேர் முன் பதிவு செய்துள்ளனர். மொத்தமாக 22 ஆயிரத்து 676 பேருந்துகள் ஒட்டு மொத்தமாக இயக்க திட்டமிட்டுள்ளது. ஆம்னி பேருந்துகள் மதுரவாயல் பகுதியில் பயணிகளை நிறுத்தி ஏற்றும்போது நெரிசல் ஏற்பட்டால் நடவடிக்கை எடுக்கப்படும். இதை ஆம்னி பேருந்து உரிமையாளர்கள் கவனத்தில் கொள்ள வேண்டும்