நவம்பர் மாதம் திருப்பதி போறீங்களா ? டிக்கெட் வெளியிடும் தேதி அறிவிப்பு..!

இதில் வரும் 19-ம் தேதி காலை 10 மணி முதல் 21-ம் தேதி காலை 10 மணி வரை குலுக்கல் மூலம் தேர்ந்தெடுக்கப்படும் சுப்ரபாதம், அர்ச்சனை, தோமாலை, உள்ளிட்ட சேவைகளுக்கு ஆன்லைனில் பதிவு செய்யலாம். இதேபோல், கல்யாண உற்சவம், ஊஞ்சல் சேவை, ஆர்ஜித பிரம்மோற்சவம், சகஸ்ர தீப அலங்கார சேவைகளுக்கான டிக்கெட்டுகள் 22-ம் தேதி காலை 10 மணிக்கு ஆன்லைனில் வெளியிடப்படும்.

நவம்பர் மாதத்திற்கான சிறப்பு நுழைவு தரிசனம் ரூ. 300 டிக்கெட்டுகள் வரும் 24-ம் தேதி காலை 10 மணிக்கு ஆன்லைனில் வெளியிடுகிறது. திருமலை மற்றும் திருப்பதியில் நவம்பர் மாதத்திற்கான அறைகள் அன்று மாலை 3 மணிக்கு ஆன்லைனில் வெளியிடப்படும். 

திருமலை திருப்பதியில் பக்தர்களுக்கு சேவை செய்யும் ஸ்ரீவாரி சேவா தன்னார்வலர் திட்டத்தில் நவம்பர் மாதம் சேவை செய்ய வரும் 27-ம் தேதி காலை 11 மணிக்கும், ஏழுமலையானுக்கு வெண்ணைய் தயார் செய்யும் நவநீத சேவைக்கு 12 மணிக்கும், உண்டியல் காணிக்கை எண்ணும் பரக்காமணி சேவைக்கு ஒரு மணிக்கு ஆன்லைனில் வெளியிடப்படும்.