திருப்பதி போறீங்களா ? வந்தாச்சு VIP பிரேக் தரிசனத்தில் புதிய மாற்றம்..!

திருப்பதியில் மே 1 முதல் பல முக்கிய மாற்றங்கள் வர உள்ளன. தற்போது கோடை விடுமுறை காரணமாக திருப்பதியில் பக்தர்கள் கூட்டம் அதிகமாக உள்ளது. 70,000 முதல் 80,000 வரையிலான பக்தர்கள் வார இறுதி நாட்களிலும், 50,000 முதல் 70,000 வரையிலான பக்தர்கள் வார நாட்களிலும் சாமி தரிசனம் செய்து வருகின்றனர். அதனால், சாதாரண பக்தர்களுக்கு அதிக முக்கியத்துவம் கொடுக்க TTD முடிவு செய்துள்ளது. மே 1 முதல் ஜூலை 15 வரை VIP பிரேக் தரிசனம் புரோட்டோகால் VIPக்களுக்கு மட்டும் தான் கிடைக்கும். அதாவது, அரசு மரியாதையுடன் வருபவர்களுக்கு மட்டுமே இந்த தரிசனம் கிடைக்கும்.

இது பற்றி தேவஸ்தானம் வெளியிட்டுள்ள அறிவிப்பில், "மே 01 முதல் ஜூலை 15 வரை, ஸ்ரீவாரி தரிசனத்திற்கு சுயமாக வரும் புரோட்டோகால் VIPக்களுக்கு மட்டுமே VIP பிரேக் தரிசனம் வழங்கப்படும் " என்று தெரிவித்துள்ளது. சாதாரண பக்தர்கள் சிரமம் இல்லாமல் தரிசனம் செய்ய வேண்டும் என்பதே இதன் நோக்கம். VIP பிரேக் தரிசனம் காலை 6 மணிக்கு தொடங்கும். இது சோதனை முயற்சியாக அமல்படுத்தப்படுகிறது. பக்தர்கள் வருகை மற்றும் தரிசன நேரத்தை பொறுத்து இதில் மாற்றங்கள் இருக்கலாம்.

TTD அதிகாரிகள் கூறுகையில், கோடை விடுமுறை காலத்தில் ஏற்படும் கூட்ட நெரிசலை கருத்தில் கொண்டு இந்த முடிவு எடுக்கப்பட்டுள்ளது. இந்த புதிய மாற்றம் மே 1 முதல் அமலுக்கு வருகிறது. ஜூலை 15 வரை இது அமலில் இருக்கும். அதன் பிறகு, பக்தர்களின் கருத்துக்களை கேட்டு TTD அடுத்த கட்ட நடவடிக்கை எடுக்கும்.

திருப்பதி தேவஸ்தானத்தின் இந்த மாற்றத்தால் சாதாரண பக்தர்கள் மகிழ்ச்சி அடைந்துள்ளனர். ஏனென்றால், அவர்களுக்கும் சீக்கிரம் தரிசனம் செய்ய வாய்ப்பு கிடைக்கும். VIP தரிசனத்திற்கு அதிக நேரம் ஒதுக்கப்படுவதால், சாதாரண பக்தர்கள் நீண்ட நேரம் காத்திருக்க வேண்டிய நிலை இருந்தது. இனி அந்த நிலை மாறும். திருப்பதிக்கு வரும் பக்தர்கள் இந்த மாற்றத்தை கவனத்தில் கொள்ள வேண்டும். புரோட்டோகால் VIPக்கள் காலை 6 மணிக்கு தரிசனத்திற்கு வரலாம். மற்ற பக்தர்கள் வழக்கம் போல் தரிசனத்திற்கு அனுமதிக்கப்படுவார்கள்.TTD இந்த புதிய முயற்சிக்கு பக்தர்கள் ஒத்துழைப்பு தர வேண்டும் என்று கேட்டுக் கொண்டுள்ளது.