வயது வரம்பு
இந்திய விமான நிலைய ஆணையத்தில் உள்ள ஜூனியர் நிர்வாகி பணியிடங்களுக்கு 27.09.2025 தேதியின்படி, அதிகபடியாக 27 வயது வரை இருக்கலாம். எஸ்சி/எஸ்டி பிரிவினருக்கு 5 வருடங்கள் வரையும், ஒபிசி பிரிவினருக்கு 3 வருடங்கள் வரையும் வயது வரம்பு தளர்வு, மாற்றுத்திறனாளிகளுக்கு 10 வருடங்கள் வரை தளர்வு உள்ளது.

கல்வித்தகுதி

• ஜூனியர் நிர்வாகி பதவிக்கு 27.09.2025 தேதியின்படி, விண்ணப்பிக்க விரும்புகிறவர்கள் கட்டிடக்கலை, சிவில், எலெக்ட்ரிக்கல், டெலி கம்யூனிகேஷன், கணினி அறிவியல், கணினி பொறியியல், தகவல் தொழில்நுட்பம், எலெக்ட்ரானிக்ஸ் ஆகியவற்றின் இளநிலை பொறியியல் பட்டப்படிப்பை முடித்திருக்க வேண்டும். தகவல் தொழில்நுட்பம் பாடப்பிரிவில் கணினி பயன்பாட்டில் முதுகலை பட்டப்படிப்பு முடித்தவர்களும் விண்ணப்பிக்கலாம்.
• மேலும், அந்தந்த பாடப்பிரிவுகளி கேட் தேர்வை எழுதி தகுதி பெற்றிருக்க வேண்டும். 2023, 2024 மற்றும் 2025-ம் ஆண்டுகளில் கேட் தகுதி பெற்றவர்கள் விண்ணப்பிக்கலாம்.
• விண்ணப்பதார்கள் அனுபவம் பெற்றிருக்க வேண்டிய அவசியம் இல்லை. முதல் முறை பணிக்கு செல்பவர்களும் விண்ணப்பிக்கலாம். அதே போன்று, பட்டப்படிப்பில் தேர்ச்சி பெற்றிருக்க வேண்டும்.

சம்பள விவரம்
குரூப்-பி பிரிவில் ஜூனியர் நிர்வாகி பதவிக்கு தேர்வு செய்யப்படும் நபர்களுக்கு குறைந்தபட்சம் ரூ.40,000 முதல் அதிகபடியாக ரூ.1,40,000 வரை சம்பளம் வழங்கப்படும்.

தேர்வு செய்யப்படும் முறை
ஜூனியர் நிர்வாகி பதவிக்கு விண்ணப்பிக்கும் நபர்களின் கேட் தேர்வின் மதிப்பெண்களின் அடிப்படையில் மட்டும் தேர்வு செய்யப்படுவார்கள். விண்ணப்பங்கள் வழங்கிய விவரங்கள், கேட் மதிப்பெண்கள் அடிப்படையில் தெரிவு செய்யப்பட்டு, சான்றிதழ் சரிபார்ப்பிற்கு அழைக்கப்படுவார்கள்.

கேட் தேர்வில் ஒரே மதிப்பெண் பெற்றவர்களின் வயது அடிப்படையில் முன்னுரிமை அளிக்கப்படும். வயதிலும் ஒன்றாக இருப்பினும், டிகிரி தகுதியில் பெற்ற மதிப்பெண்கள் அடிப்படையில் மதிப்பெண்கள் வழங்கப்படும்.

விண்ணப்பிக்கும் முறை
AAI ஜூனியர் நிர்வாகி பணியிடங்களுக்கு விண்ணப்பிக்க தகுதியுள்ள இளைஞர்கள் https://www.aai.aero/en/careers/recruitment/Offical என்ற அதிகாரப்பூர்வ இணையதளத்தில் ஆன்லைன் வழியாக விண்ணப்பிக்க வேண்டும். விண்ணப்பக் கட்டணமாக ரூ.300 செலுத்த வேண்டும். எஸ்சி, எஸ்டி, பெண்கள், மாற்றுத்திறனாலிகள், தொழிற்பயிற்சி பெற்றவர்கள் விண்ணப்பக் கட்டணம் செலுத்த விலக்கு அளிக்கப்படுகிறது. இப்பணியிடங்களுக்கு அறிவிப்பு ஆகஸ்ட் 8-ம் தேதி வெளியான நிலையில், விண்ணப்பப் பதிவு ஆகஸ்ட் 28 முதல் தொடங்குகிறது. செப்டம்பர் 27 வரை விண்ணப்பிக்கலாம் என தெரிவிக்கப்பட்டுள்ளது. 

முக்கிய நாட்கள்

விண்ணப்பிக்க கால அவகாசம் முடிவடைந்த பின்னர், காலிப்பணியிடங்களுக்கு தெரிவு செய்யப்பட்டவர்களின் தற்காலிக பட்டியல் இணையதளத்தில் வெளியிடப்படும். மேலும், சான்றிதழ் சரிபார்ப்பிற்கான அழைப்பாணை விண்ணப்பதார்களின் இமெயில் முகவரிக்கு அனுப்பி வைக்கப்படும். பொறியியல் படிப்பபை முடித்து கேட் தேர்வில் தகுதி பெற்றவர்கள் இந்த வாய்ப்பைப் பயன்படுத்திகொள்ளலாம். இப்பணிக்கு தனிப்பட்ட எழுத்துத் தேர்வு, நேர்காணல் ஆகியவை கிடையாது.