மாணவர்களே ரெடியா ? 1 முதல் 9-ம் வகுப்பு வரை முழு ஆண்டு தேர்வு அட்டவணை வெளியீடு..!

1 முதல் 9-ம் வகுப்பு வரை உள்ள மாணவர்களுக்கு முழு ஆண்டு தேர்வு அட்டவணை எப்போது வெளியாகும் என மாணவர்கள் முதல் பெற்றோர்கள் வரை காத்திக்கொண்டு இருந்தனர். அந்த வகையில், தற்போது முழு ஆண்டு தேர்வு அட்டவணையை பள்ளிக் கல்வித்துறை வெளியிட்டுள்ளது. 1 முதல் 5-ம் வகுப்பு வரை ஒரு கட்டமாகவும், 6 முதல் 9-ம் வகுப்பு வரை ஒரு கட்டமாகவும் நடைபெற உள்ளது.

தமிழ்நாட்டில் 1 முதல் 5-ம் வகுப்பு வரை உள்ள மாணவர்களுக்கு முழு ஆண்டு தேர்வு ஏப்ரல் 9-ம் தேதி முதல் தொடங்கி 21-ம் தேதி வரை நடைபெறும் என அறிவிக்கப்பட்டுள்ளது. அதனைத்தொடர்ந்து, கோடை விடுமுறை விடுக்கப்படும்.

6 முதல் 9-ம் வகுப்பு வரை உள்ள மாணவர்களுக்கு முழு ஆண்டு தேர்வு ஏப்ரல் 8-ம் தேதி முதல் 24-ம் தேதி வரை நடைபெறும் என அறிவிக்கப்பட்டுள்ளது. இறுதி நாள் தேர்வை தொடர்ந்து கோடை விடுமுறை விடுக்கப்படும்.

1 முதல் 5-ம் வகுப்பு வரை உள்ள மாணவர்களுக்கு கோடை விடுமுறை நாட்கள் ஏப்ரல் 22-ம் தேதி முதல் தொடங்கும். 6 முதல் 9-ம் வகுப்பு வரை உள்ள மாணவர்களுக்கு கோடை விடுமுறை ஏப்ரல் 25-ம் தேதி முதல் தொடங்கும். விடுமுறை நாட்கள் முடிந்து பள்ளிகள் ஜூன் 2-ம் தேதி மீண்டும் திறக்கப்படும் என எதிர்பார்க்கப்படுகிறது.