மக்களே ரெடியா ? தமிழகத்தில் பலூன் திருவிழா… எங்கே... எப்போது தெரியுமா ?

தஞ்சை பெரிய கோவில் மற்றும் மதுரை மீனாட்சி அம்மன் கோவிலுக்கு அதிகளவிலான வெளி மாநிலம் மற்றும் வெளிநாட்டு சுற்றுலா பயணிகள் வருகை தருகின்றனர். இந்த இடங்களைத் தவிர தனுஷ்கோடி, ராமேஸ்வரம், கொடைக்கானல், ஊட்டி, வால்பாறை இந்த பகுதிகளுக்கும் தமிழகம் மட்டுமின்றி பல்வேறு பகுதிகளில் இருந்து சுற்றுலா பயணிகளின் வருகை அதிகம் இருக்கும்.

இந்த நிலையில் சுற்றுலா பயணிகளின் வருகை அதிகரிக்க தற்போது தமிழ்நாடு சுற்றுலாத்துறை பல்வேறு நடவடிக்கைகளை எடுத்து வருகிறது. அந்த வகையில் ஒவ்வொரு மாவட்டத்திலும் சுற்றுலாத்துறை மேம்படுத்த தமிழக அரசு உத்தரவிட்டுள்ளது. இதன் அடிப்படையில் ஒவ்வொரு மாவட்டத்தின் சிறப்பு அம்சங்கள் குறித்து ஆராய்ந்து அதற்கேற்ற வகையில் சுற்றுலா துறையை எவ்வாறு மேம்படுத்தலாம் என்று திட்டமிடப்பட்டு வருகிறது.

அந்த வகையில் தற்போது மதுரையில் மீனாட்சி அம்மன் கோவில் மற்றும் ஜல்லிக்கட்டு உலகப் பிரசித்தி பெற்றது இந்த நிலையில் பொங்கல் பண்டிகையை முன்னிட்டு நடைபெறும் அலங்காநல்லூர் அவனியாபுரம் பாலமேடு ஜல்லிக்கட்டு போட்டிகளுக்கு அரசு வெளிநாடு சுற்றுலாப் பயணிகளை அழைத்து தற்போது ஜல்லிக்கட்டு போட்டிக்காக அலங்காநல்லூர் அருகே 45 கோடி மதிப்பீட்டில் ஜல்லிக்கட்டு மைதானம் திறக்கப்பட்டது.

இந்த மைதானத்தில் ஜல்லிக்கட்டு போட்டிகள் மட்டுமே நடத்தப்படும் நிலையில் மற்று மாதங்கள் இந்த மைதானத்தில் எந்த நிகழ்ச்சியும் நடைபெறாமல் உள்ளது. இந்த நிலையில் சுற்றுலாத்துறை மதுரையில் மாதம் தோறும் ஒவ்வொரு நிகழ்ச்சியுடன் நடத்த திட்டமிட்டுள்ளது. இதன் அடிப்படையில் தற்போது மதுரையில் பொங்கல் பண்டிகையை முன்னிட்டு பலூன் திருவிழா நடத்தப்பட உள்ளது இதற்கு தமிழக அரசு அனுமதி வழங்கியுள்ளதாக தெரிகிறது.

உலகின் பல்வேறு நாடுகளில் நடைபெறும் பலூன் திருவிழாவிற்கு ஏராளமான ரசிகர்கள் உள்ளனர். மேலும் பயணிகளும் பொதுமக்களும் பலூன்களில் பறக்க ஆர்வம் காட்டுகின்றனர். இந்தியாவை பொருத்தவரை ஆந்திரா மாநிலம் அரக்கு வேலை மற்றும் தமிழகத்தில் கோவை மாவட்டம் பொள்ளாச்சியில் மட்டுமே பலூன் திருவிழா நடத்தப்பட்டு வருகிறது.

மேலும் பொள்ளாச்சி தொழில் திருவிழாவிற்கு சர்வதேச அங்கீகாரம் உள்ளது குறிப்பிடத்தக்கது. கடந்த 2015 ஆம் ஆண்டு முதல் அனைத்து பொங்கல் பண்டிகைக்கும் பொள்ளாச்சியில் சர்வதேச வரும் திருவிழா நடத்தப்பட்டு வருகிறது. கடந்த ஆண்டு நடந்த பலூன் திருவிழாவில் 11 நாடுகள் பங்கேற்றது.

அடுத்து வருகின்ற 2025 ஆம் ஆண்டு பொங்கல் பண்டிகை முன்னிட்டு தமிழகத்தில் ஜனவரி மாதம் 10ஆம் தேதி முதல் 19ஆம் தேதி வரை சென்னை கோவை பொள்ளாச்சி ஆகிய இடங்களில் பலூன் திருவிழா நடத்தப்பட உள்ளது.

சென்னை மட்டுமல்லாது ஒவ்வொரு பகுதிகளிலும் எப்போது பலூன் திருவிழா நடைபெறும் மற்றும் தேதி ஆகியவற்றை தமிழக அரசு அதிகாரப்பூர்வமாக அறிவிக்கும் என எதிர்பார்க்கப்படுகிறது. இந்த பலூன் திருவிழா திருவிழாவிற்கான டீசரும் தற்போது வெளியிடப்பட்டுள்ளது.