நாளை முதல் தமிழகம் முழுவதும் அண்ணாமலை பிரச்சாரம்..!

தமிழக பா.ஜ.க. தலைவர் அண்ணாமலை கோவை பாராளுமன்ற தொகுதி வேட்பாளராக களம் இறங்கினாலும், தமிழகம் முழுவதும் பா.ஜ.க. மற்றும் கூட்டணி கட்சி வேட்பாளர்களை ஆதரித்து சூறாவளி தேர்தல் பிரச்சார சுற்றுப்பயணம் மேற்கொள்கிறார். 

அதன்படி  அவர் வரும் 29-ம் தேதி, ஸ்ரீபெரும்புதூர், திருவள்ளூர், வடசென்னை, மத்தியசென்னை, தென்சென்னை பகுதிகளிலும், 30-ம் தேதி, சிதம்பரம், நாகை, தஞ்சை, பெரம்பலூர், திருச்சியிலும், 31-ம் தேதி கரூரிலும் அவர் பிரச்சாரம் மேற்கொள்கிறார். 

தொடர்ந்து 31-ம் தேதி முதல் ஏப்ரல் 3-ம் தேதி வரையில் தான் போட்டியிடும் கோவை தொகுதியில் அவர் வாக்குசேகரிப்பில் ஈடுபடுகிறார். இதையடுத்து 4-ம் தேதி- கன்னியாகுமரி, நெல்லை, தென்காசி, விருதுநகரிலும், 5-ம் தேதி ராமநாதபுரம், சிவகங்கை, மதுரை, தேனி ஆகிய தொகுதிகளில் பிரச்சாரம் மேற்கொள்கிறார்.

6-ம் தேதி முதல் 8-ம் தேதி வரையில் மீண்டும் கோவையில் வாக்கு சேகரிக்கிறார். 9-ம் தேதி கிருஷ்ணகிரி, தர்மபுரி, வேலூர், திருவண்ணாமலையிலும், 10-ம் தேதி நாமக்கல், திருப்பூர், பொள்ளாச்சியிலும், 11-ம் தேதி கோவை, 12-ம் தேதி கோவை, நீலகிரியிலும் அண்ணாமலை பிரச்சாரத்தில் ஈடுபடுகிறார். அதன் பின்னர் பிரசாரம் முடிவடையும் வரையில் கோவையிலே முகாமிட்டு தீவிர பிரச்சாரத்தில் ஈடுபட உள்ளார்.