மீண்டும் மீண்டுமா ? 19,000 ஊழியர்களுக்கு VRS.. BSNL அதிரடி!

பாரத் சஞ்சார் நிகாம் (பிஎஸ்.என்.எல்) தனது நிதிச் சமநிலையை மேம்படுத்தும் நோக்கில் சுமார் 19,000 ஊழியர்கள் வரையில் குறைப்பதற்காக இரண்டாவது விருப்ப ஓய்வு திட்டத்தை (VRS) திட்டமிட்டு வருகிறது. இந்த முயற்சிக்கு நிறுவனம் ரூ.1,500 கோடி கேட்டுள்ளது. BSNL தனது வருவாயில் 38% தனது பணியாளர்களை நிர்வகிப்பதற்கு செலவிட்டு வரும் நிலையில் பி.எஸ்.என்.எல்.லின் இந்த விருப்ப ஓய்வு திட்டம் அதன் ஊதிய கட்டணத்தை குறைக்கும் என்று எதிர்பார்க்கப்படுகிறது.

பாரத் சஞ்சார் நிகம் ( பிஎஸ்என்எல் ) அதன் பணியாளர்களைக் குறைக்க இரண்டாவது விருப்ப ஓய்வு திட்டத்தை செயல்படுத்த திட்டமிட்டுள்ளதாக கூறப்படுகிறது. இது குறித்து வெளியான தகவலின்படி தொலைத்தொடர்புத் துறை (DoT) நிதி அமைச்சகத்திடம் இதற்கான ஒப்புதலைப் பெற திட்டமிட்டுள்ளதாக தெரிய வந்துள்ளது.

இந்த விருப்ப ஓய்வு திட்டத்திற்கு, பிஎஸ்என்எல் நிறுவனம் ரூ.1500 கோடி கேட்டுள்ளதாக தகவல்கள் வெளியாகி உள்ளது. "பிஎஸ்என்எல் நிர்வாக குழுவினர் அதன் இருப்புநிலைக் குறிப்பை வலுவானதாக மாற்ற டெல்கோவின் ஊழியர்களின் எண்ணிக்கையில் சுமார் 18,000த்தில் இருந்து 19,000 வரை குறைப்பதற்கு விஆர்எஸ் மூலம் திட்டம் வகுத்து, அதை செயல்படுத்த DoTக்கு அனுப்பியுள்ளதாக பி.எஸ்.என்.எல். மூத்த அதிகாரி ஒருவர் தெரிவித்துள்ளார். 

பி.எஸ்.என்.எல்., தனது பணியாளர்களை நிர்வகிப்பதற்கு வருடத்திற்கு சுமார் ரூ.7500 கோடி செலவழித்து வருவதாக கூறப்படுகிறது. இது பி.எஸ்.என்.எல்.லின் மொத்த வருமானத்தில் 38% ஆகும். இந்நிலையில் இந்த செலவீனங்களை வருடத்திற்கு ரூ.5,000 கோடியாக குறைக்க பி.எஸ்.என்.எல். திட்டமிட்டு வருகிறது.  தகவல் தொடர்பு அமைச்சகத்தின் கோரிக்கையின் பேரில் பணியாளர் குறைப்பை முன்மொழிந்துள்ளது, இது நிதி அமைச்சகத்திடம் இருந்து ஒப்புதலைப் பெற்றவுடன் அமைச்சரவையின் ஒப்புதலைப் பெறும் என்று எதிர்பார்க்கப்படுகிறது.

அதன் ஊதியக் கட்டணத்தைக் குறைக்கும் வகையில் விஆர்எஸ் திட்டத்திற்கு பிஎஸ்என்எல் வாரியம் கடந்த திங்கள்கிழமை ஒப்புதல் அளித்துள்ளது. அரசுக்கு சொந்தமான தொலைத்தொடர்பு நிறுவனம் இன்னும் 4ஜி சேவைகளை தேசிய அளவில் வெளியிடாத நேரத்தில் இந்த செய்தி வெளியாகியுள்ளது குறிப்பிடத்தக்கது. இருப்பினும் 
 

கடந்த 2024 நிதியாண்டில் பி.எஸ்.என்.எல். நிறுவனத்தின் வருவாய் ரூ.21,302 கோடியை எட்டியுள்ளது. இது கடந்த நிதியாண்டை விட சற்று அதிகம். பி.எஸ்.என்.எல். நிறுவனத்தில் 30,000 க்கும் மேற்பட்ட நிர்வாகிகள் அல்லாதவர்கள் மற்றும் 25,000 நிர்வாகிகள் பணியில் உள்ளனர். 2019ம் ஆண்டில், பிஎஸ்என்எல் மற்றும் மஹாநகர் டெலிபோன் நிகாம் (எம்டிஎன்எல்) ஊழியர்களுக்கான முன்கூட்டிய ஓய்வு திட்டத்தை உள்ளடக்கிய ரூ.69,000 கோடி மறுமலர்ச்சித் திட்டத்திற்கு அரசாங்கம் ஒப்புதல் அளித்தது.

VRS இன் கருணைத் தொகையானது ஓய்வூதியங்கள், பணிக்கொடைகள் மற்றும் பணிநீக்கம் ஆகியவற்றிற்காக தோராயமாக ரூ.17,500 கோடியாக இருந்தது. டெல்லி மற்றும் மும்பையில் மட்டும் செயல்படும் எம்டிஎன்எல், அதன் மொபைல் நெட்வொர்க்கை பிஎஸ்என்எல் நிர்வகிக்கிறது. மறுமலர்ச்சி திட்டத்தில் சொத்து பணமாக்குதல் மற்றும் பொதுத்துறை தொலைத்தொடர்பு நிறுவனங்களுக்கு 4G அலைக்கற்றை ஒதுக்கீடு ஆகியவையும் அடங்கும்.

2022ம் ஆண்டில், பிஎஸ்என்எல் மற்றும் எம்டிஎன்எல் நிறுவனங்களுக்கு 1.64 லட்சம் கோடி ரூபாய் மதிப்பிலான இரண்டாவது மறுமலர்ச்சி தொகுப்புக்கு அரசாங்கம் ஒப்புதல் அளித்தது. இந்த தொகுப்பு அவர்களின் இருப்புநிலைகளை குறைக்கவும், மூலதனச் செலவுகளை ஈடுகட்டவும், சரிசெய்யப்பட்ட மொத்த வருவாய் (ஏஜிஆர்) நிலுவைத் தொகையை தீர்க்கவும் மற்றும் கிராமப்புற லேண்ட்லைன் இணைப்புகளுக்கு நிதியளிக்கவும் நிதி உதவி அளித்தது.

2023ம் ஆண்டில், 4G மற்றும் 5G அலைக்கற்றை ஒதுக்கீட்டில் கவனம் செலுத்தி, வணிகத் தரவு சேவைகள், நிலையான வயர்லெஸ் அணுகல் (FWA) மற்றும் கேப்டிவ் பிரைவேட் நெட்வொர்க்குகளை வழங்கும் திட்டங்களுடன் ரூ.89,000 கோடி மதிப்புடைய மூன்றாவது மறுமலர்ச்சி தொகுப்பு அங்கீகரிக்கப்பட்டது குறிப்பிடத்தக்கது.