.png)
அகாடமி விருது : சிறந்த படம் அனிமல்...சிறந்த நடிகராக ஷாருக்கான் தேர்வு..!
அபுதாபியில் நடைபெற்ற சர்வதேச இந்திய திரைப்பட அகாடமி விருதுகள் வழங்கும் விழா, யாஸ் தீவில் உள்ள எதிஹாட் அரங்கில் நடைபெற்றது. மூன்று நாள்கள் நடக்கும் இந்த விழாவானது, கடந்த 27-ம் தேதி அன்று தென்னிந்தியத் திரைப்படத் துறைகளின் கொண்டாட்டமாக துவங்கியது.
இரண்டாம் நிகழ்வாக நேற்று முன்தினம், பாலிவுட் முக்கிய இடத்தைப் பிடித்தது, அதன் தொகுப்பாளர்களான சூப்பர் ஸ்டார் ஷாருக்கான், தௌபா தௌபாவின் விக்கி கவுஷல் மற்றும் திரைப்பட இயக்குனர் கரண் ஜோஹர் ஆகியோர் இந்த விழாக்களில் கலந்து கொண்டதால் அது கூடுதல் சிறப்பு வாய்ந்தது.
மூன்றாம் நாள் நிகழ்வாக, நேற்று ஹனி சிங், ஷில்பா ராவ் மற்றும் ஷங்கர்-எஹ்சான்-லாய் போன்ற கலைஞர்கள் நிகழ்ச்சியை நடத்தினர். இதில் சிறந்த படமாக அனிமல், சிறந்த இயக்குனராக விது வினோத் சோப்ரா(12 பெயில்), சிறந்த நடிகராக ஷாருக்கான்(ஜவான்), சிறந்த நடிகையாக ராணி முகர்ஜி(மிஸஸ் சட்டர்ஜி வெர்செஸ் நார்வே) விருது பெற்றனர்.
சிறந்த துணை நடிகராக அனில்கபூர்(அனிமல்), சிறந்த துணை நடிகையாக ஷபனா ஆஷ்மி( ராக்கி அவுர் ரானி கி பிரேம் கஹானி), சிறந்த வில்லன் நடிகராக பாபி தியோல்(அனிமல்), சிறந்த பாடகராக புபேந்தர் பாபல்(அனிமல்), சிறந்த பாடகியாக ஷில்பா ராவ் (ஜவான்) ஆகியோர் விருது பெற்றனர்.