பெரும் கொடுமை.. வெறும் 31 பைசா நிலுவை.. விவசாயிக்கு சான்றிதழ் வழங்க SBI மறுப்பு !

வெறும் 31 பைசா நிலுவையில் உள்ள விவசாயியின் நிலுவைத் தொகையில்லா சான்றிதழை நிறுத்தி வைத்ததற்காக, பாரத ஸ்டேட் வங்கியை (SBI ) குஜராத் உயர்நீதிமன்றம் கடுமையாக சாடியுள்ளது.

அகமதாபாத்தைச் சேர்ந்த விவசாயி ஒருவர் விவசாய கடன் பெற்றிருந்தார். அந்த வகையில் விவசாயி பயிர்க் கடனை முழுமையாக திருப்பிச் செலுத்திய பிறகு நில ஒப்பந்தத்தை முடிக்க சான்றிதழ் தேவைப்பட்டது. கடனைத் திருப்பிச் செலுத்திய பின்னரும் விவசாயி இன்னும் 31 பைசா செலுத்த வேண்டியிருப்பதால், நிலப் ஒப்பந்தத்தில் இருந்து வங்கியின் கட்டணம் நீக்கப்படவில்லை என்று வங்கி நீதிமன்றத்தில் தெரிவித்துள்ளது.

இந்த வழக்கை விசாரித்த நீதிபதி பார்கவ் கரியா, இது மிகவும் அதிகம். இவ்வளவு சொற்ப தொகைக்கு நிலுவைத் தொகையில்லா சான்றிதழை வழங்காதது விவசாயிக்கு அளிக்கப்பட்ட தொல்லை தவிர வேறில்லை.

31 பைசா நிலுவையில் உள்ளதா? 50 பைசாவுக்குக் குறைவானது எதுவும் புறக்கணிக்கப்படுமா என்று உங்களுக்குத் தெரியுமா?. , எஸ்.பி.ஐ., தேசியமயமாக்கப்பட்ட வங்கியாக இருந்தும், தொடர்ந்து மக்களை துன்புறுத்துகிறது. 50 பைசாவுக்குக் குறையாததைக் கணக்கிடக் கூடாது என்ற விதி உள்ளது என்று நீதிபதி கூறினார். மேலும் ஆத்திரமடைந்த நீதிபதி கரியா, இந்த விவகாரம் தொடர்பாக பிரமாணப் பத்திரம் தாக்கல் செய்யுமாறு வங்கியிடம் கூறி, விசாரணையை மே 2ஆம் தேதிக்கு ஒத்திவைத்தார்.

newstm.in